search
×

Tamilnad Mercantile Bank IPO: మొదటి రోజే కొంప ముంచిన Tamilnad Mercantile Bank షేర్లు

ఇష్యూ ధర కంటే దాదాపు 6 శాతం తక్కువగా, ఒక్కో షేరు రూ.495 వద్ద ప్రారంభమైంది.

FOLLOW US: 

Tamilnad Mercantile Bank IPO: ఇవాళ (గురువారం) స్టాక్‌ మార్కెట్‌లోకి అరంగేట్రం (లిస్టింగ్‌) చేసిన తమిళనాడు మర్కంటైల్‌ బ్యాంక్‌ (TMB), ఐపీవో సబ్‌స్క్రైబర్లను నిరాశ పరిచాయి. లిస్టింగ్‌ గెయిన్స్‌ తీసుకోవచ్చనుకుంటే, లాసెస్‌లో ముంచాయి.

ఈ షేర్‌ ఇష్యూ ప్రైస్‌ రూ.510 అయితే, దాదాపు అదే ధర దగ్గర బాంబే స్టాక్‌ ఎక్సేంజ్‌లో (BSE) లిస్ట్ అయింది. అక్కడి నుంచి రూ. 515 వరకు దూసుకెళ్లింది. ఇది ఇంట్రా డే గరిష్ట స్థాయి. గోడకు కొట్టిన బంతిలా, మళ్లీ అక్కడి నుంచి రూ.481 వరకు ఒక్కసారిగా వెనక్కు వచ్చింది. తిరిగి పుంజుకుని రూ.510 స్థాయి చుట్టూ చక్కర్లు కొడుతోంది.

నేషనల్ స్టాక్ ఎక్స్ఛేంజ్‌లో (NSE), ఇష్యూ ధర కంటే దాదాపు 6 శాతం తక్కువగా, ఒక్కో షేరు రూ.495 వద్ద ప్రారంభమైంది.

మధ్యాహ్నం 2:30 గంటలకు, TMB షేరు ధర రూ.508.50 వద్ద ఉంది. ఇది, BSEలో ఇష్యూ ప్రైస్‌ కంటే స్వల్పంగా తక్కువ. ఈ కౌంటర్‌లో ఇప్పటివరకు 20 లక్షల 50 వేలకు పైగా ఈక్విటీ షేర్లు చేతులు మారాయి.

ఈ బ్యాంక్‌ న్యాయపరంగా కొన్ని ఇబ్బందులు ఎదుర్కొంటోంది. మేనేజ్‌మెంట్ దీర్ఘకాలిక పనితీరు మీద పెట్టుబడిదారులకు పూర్తి స్థాయి స్పష్టత రాలేదు. ఐపీవో సబ్‌స్క్రిప్షన్ నంబర్లు బెటర్‌గా లేకపోవడం, ఇవాళ్టి వీక్‌ మార్కెట్‌ స్టాక్‌ నెగెటివ్‌ లిస్టింగ్‌కు కొన్ని కారణాలుగా రీసెర్చ్‌ హౌస్‌ స్వస్తిక ఇన్వెస్ట్‌మార్ట్ (Swastika Investmart Ltd) వెల్లడించింది.

లిస్టింగ్ లాభాల కోసం ఐపీవోలో దరఖాస్తు చేసుకున్న వాళ్లు రూ.470ని స్టాప్‌ లాస్‌గా పెట్టుకోవాలని ఆ రీసెర్చ్‌ హౌస్‌ సూచించింది. దీర్ఘకాలిక దృక్పథంతో పెట్టుబడి పెట్టిన వాళ్లు, ఇబ్బందులు తొలగిపోయేవరకు మరికొన్ని త్రైమాసికాల పాటు వేచి ఉండాలని చెబుతోంది.

మూలిగే నక్క మీద తాటిపండు పడ్డట్లు, బుధవారం రోజున BSE ఒక బాంబ్‌ పేల్చింది. తమిళనాడు మర్కంటైల్‌ బ్యాంక్ ఈక్విటీ షేర్లను 'T' గ్రూప్ సెక్యూరిటీస్‌ జాబితాలో చేరుస్తామని పేర్కొంది. మళ్లీ సమాచారం ఇచ్చే వరకు ఈ స్క్రిప్ ట్రేడ్ ఫర్ ట్రేడ్ (T2T) విభాగంలో ఉంటుంది. T2T గ్రూప్‌లో ఉన్న స్టాక్స్‌ను ఇంట్రా డే ట్రేడింగ్‌కు అనుమతించరు. వీటిని డెలివరీ బేస్‌లోనే తీసుకోవాలి. అంటే, కొనుగోలుదారు ఈ షేర్లను డెలివరీ మోడ్‌లోనే తీసుకోగలరు తప్ప, ఇంట్రా డే ట్రేడ్‌ చేయలేరు.

TMB IPO దాదాపు మూడు రెట్లు సబ్‌స్క్రిప్షన్‌ను దక్కించుకుంది. ఈ ఇష్యూ కోసం క్వాలిఫైడ్ ఇన్‌స్టిట్యూషనల్ బయ్యర్లు (QIB) 1.62 రెట్లు, హై నెట్‌వర్త్ ఇండివిడ్యువల్స్‌ (HNI) 2.94 రెట్లు, రిటైల్ లేదా చిన్న ఇన్వెస్టర్లు (మనలాంటి వాళ్లు) దాపు 6.5 రెట్లు సబ్‌స్క్రయిబ్ చేసుకున్నారు. ఈ బ్యాంక్, IPO ముందు రోజు రూ.363 కోట్ల విలువైన షేర్లను రూ.510 చొప్పున యాంకర్ ఇన్వెస్టర్లకు కేటాయించింది.

Disclaimer: ఈ వార్త కేవలం సమాచారం కోసం మాత్రమే. మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్లు, ఫారెక్స్‌, కమొడిటీల్లో పెట్టే పెట్టుబడులు ఒడుదొడుకులకు లోనవుతుంటాయి. మార్కెట్‌ పరిస్థితులను బట్టి ఆయా పెట్టుబడి సాధనాల్లో రాబడి మారుతుంటుంది. ఫలానా మ్యూచువల్‌ ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని 'ఏబీపీ దేశం' చెప్పడం లేదు. పెట్టుబడి పెట్టే ముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్‌ అడ్వైజర్ల నుంచి సలహా తీసుకోవడం మంచిది.

Published at : 15 Sep 2022 02:54 PM (IST) Tags: IPO Share Market Tamilnad Mercantile Bank Stock Market TMB

సంబంధిత కథనాలు

SoftBank OYO Valuation: అయ్యో ఫాఫం ఓయో - ఐపీవో ముందు వాల్యుయేషన్‌ కట్‌

SoftBank OYO Valuation: అయ్యో ఫాఫం ఓయో - ఐపీవో ముందు వాల్యుయేషన్‌ కట్‌

Inox Green Energy IPO: ₹740 కోట్ల ఐనాక్స్‌ గ్రీన్‌ ఐపీవోకి సెబీ గ్రీన్‌ సిగ్నల్‌

Inox Green Energy IPO: ₹740 కోట్ల ఐనాక్స్‌ గ్రీన్‌ ఐపీవోకి సెబీ గ్రీన్‌ సిగ్నల్‌

Patanjali Group IPOs: పతంజలి గ్రూప్‌ నుంచి కొత్తగా 4 IPOలు, అంబానీకి ఎసరు పెడ్తారా?

Patanjali Group IPOs: పతంజలి గ్రూప్‌ నుంచి కొత్తగా 4 IPOలు, అంబానీకి ఎసరు పెడ్తారా?

Harsha Engineers IPO: హర్ష ఇంజినీర్స్‌ ఐపీవో ఇవాళ ప్రారంభం - బిడ్‌ వేద్దామా, వద్దా?

Harsha Engineers IPO: హర్ష ఇంజినీర్స్‌ ఐపీవో ఇవాళ ప్రారంభం - బిడ్‌ వేద్దామా, వద్దా?

Harsha Engineers IPO: గ్రే మార్కెట్‌లో తుపాను సృష్టిస్తున్న Harsha Engineers షేర్లు

Harsha Engineers IPO: గ్రే మార్కెట్‌లో తుపాను సృష్టిస్తున్న Harsha Engineers షేర్లు

టాప్ స్టోరీస్

Chittoor Fire Accident: రేణిగుంటలో భారీ అగ్ని ప్రమాదం, ఇద్దరు చిన్నారులు సహా ముగ్గురు మృతి - డాక్టర్ సజీవదహనం

Chittoor Fire Accident: రేణిగుంటలో భారీ అగ్ని ప్రమాదం, ఇద్దరు చిన్నారులు సహా ముగ్గురు మృతి - డాక్టర్ సజీవదహనం

Pawan Politics : పవన్ లక్ష్యం అసెంబ్లీలో అడుగు పెట్టడమా .. అధికారమా? పార్ట్‌టైమ్ పాలిటిక్స్‌తో సాధించేదేంటి ?

Pawan Politics : పవన్ లక్ష్యం అసెంబ్లీలో అడుగు పెట్టడమా  .. అధికారమా? పార్ట్‌టైమ్ పాలిటిక్స్‌తో సాధించేదేంటి ?

Jinping House Arrest: షాకింగ్! గృహ నిర్బంధంలో చైనా అధ్యక్షుడు- సైన్యం చేతిలోకి దేశం!

Jinping House Arrest: షాకింగ్! గృహ నిర్బంధంలో చైనా అధ్యక్షుడు- సైన్యం చేతిలోకి దేశం!

Bigg Boss 6 Telugu: ఈ వారం ఎలిమినేషన్ - నేహా చౌదరి అవుట్?

Bigg Boss 6 Telugu: ఈ వారం ఎలిమినేషన్ - నేహా చౌదరి అవుట్?