Income Tax Filing: 31 చివరి తేదీ..! ఐటీఆర్‌ ఆలస్యమైతే పెనాల్టీ తప్పదు..! ఇలా చేయండి..!

పన్ను చెల్లింపుదారులు గడువు వరకు వేచిచూడకుండా ముందుగానే ఐటీఆర్‌ దాఖలు చేస్తే మంచిది. ఆలస్యంగా ఐటీఆర్‌ చేస్తున్నందుకు రుసుము చెల్లించాల్సి ఉంటుంది. లేదంటే సమస్యల్లో ఇరుక్కోవాల్సి ఉంటుంది.

By : ABP Desam

Edited By: Ramakrishna Paladi

Updated at : 08 Dec 2021 01:26 PM (IST)

ఐటీఆర్‌ ఫైలింగ్‌

ఆదాయ పన్ను చెల్లించేందుకు ఎదురు చూస్తున్నారా? ఇంకా ఆదాయపన్ను రిటర్నులు దాఖలు చేయలేదా? అయితే త్వరపడండి! 2021-2022 ఆర్థిక ఏడాదికి ఐటీఆర్‌ దాఖలు చేసేందుకు డిసెంబర్‌ 31 చివరి తేదీ.

పన్ను చెల్లింపుదారులు గడువు వరకు వేచిచూడకుండా ముందుగానే ఐటీఆర్‌ దాఖలు చేస్తే మంచిది. ఎందుకంటే గడువు సమీపించే కొద్దీ దాఖలు చేసేవారి సంఖ్య పెరుగుతుంది. సాంకేతిక ఇబ్బందుల వల్ల ఐటీఆర్‌ సమర్పించకపోతే మీరు సమస్యల్లో ఇరుక్కోవాల్సి ఉంటుంది. పైగా ఆలస్యంగా ఐటీఆర్‌ చేస్తున్నందుకు రుసుము చెల్లించాల్సి ఉంటుంది. ప్రస్తుతం రోజుకు 4 లక్షల మంది ఐటీఆర్‌ దాఖలు చేస్తున్నారు. ఈ సంఖ్య మరింత పెరిగే అవకాశం ఉంది.

ఇప్పుడు ఆదాయపన్ను చెల్లించడం చాలా సులభం. ఐటీ వెబ్‌సైట్‌కు వెళ్లి తేలికగా పన్ను చెల్లింపు చేయొచ్చు. ఈ-ఫైలింగ్‌ సౌకర్యాన్ని ఉపయోగించుకుంటే చాలు. సరికొత్త ఇన్‌కం టాక్స్‌ పోర్టల్లో ఐటీఆర్‌ను దాఖలు చేసే ప్రక్రియ ఇదే!

మొదట ఆదాయపన్ను ఈ పోర్టల్‌కు వెళ్లాలి.
హోమ్‌పేజీలోని 'లాగిన్‌'ను క్లిక్‌ చేయండి.
'enter your user ID' వద్ద మీ పాన్ నంబర్‌ ఎంటర్‌ చేయండి. కంటిన్యూపై ప్రెస్‌ చేయండి.
'సెక్యూర్‌ యాక్సెస్‌ మెసేజ్‌' రాగానే కంటిన్యూ నొక్కండి.
టెక్ట్స్‌ మెసేజ్‌ లేదా వాయిస్‌ కాల్‌ ద్వారా మీరు ఆరు అంకెల ఓటీపీని పొందొచ్చు.
మీ నమోదిత ఆధార్‌ నంబర్‌ లేదా నెట్‌ బ్యాంకింగ్‌ ఉపయోగించుకొనీ ఐటీ వెబ్‌పోర్టల్‌లో లాగిన్‌ కావొచ్చు.
మీరు ఆధార్‌ ఉపయోగిస్తే మీ నంబర్‌, ఓటీపీని సైట్లో ఎంటర్‌ చేయాలి.
నెట్‌ బ్యాంకింగ్‌ ఉపయోగిస్తే మీ యూజర్‌ ఐడీ, పాస్‌వర్డ్‌ను ఎంటర్‌ చేయాలి.
లాగిన్‌ ప్రక్రియ ముగియగానే 2021-22 ఐటీఆర్‌ సమర్పించొచ్చు.