Today Horoscope In Telugu: ఏప్రిల్‌ 09 రాశి ఫలాలు – ఈ రాశి వారికి ప్రయాణ గండం ఉంది జాగ్రత్త, ఉగాది రోజు మీ రాశులు ఎలా ఉన్నాయో చూసుకోండి

Horoscope Prediction 9th April 2024: గ్రహాల కదలిక, నక్షత్రాల ఆధారంగా జ్యోతిష్యులు రాశి ఫలితాలను అంచనా వేస్తారు. ఈరోజు రాశి ఫలాలు ఇక్కడ తెలుసుకోండి.

Daily Horoscope for April 9th 2024: 

మేష రాశి

ఈ రాశి వారికి ఈరోజు మిత్రుల సహాయ సహకారాలు అందుతాయి. ఆరోగ్యం విషయంలో కొంత ఇబ్బందులు ఎదుర్కోవాలి. దూర ప్రయాణ సూచనలున్నవి. సోదరుల నుంచి ఆర్థిక సహాయం అందుతుంది. వృత్తి, ఉద్యోగాలు సంతృప్తి కరంగా సాగుతాయి. వ్యాపారాలలో తొందరపాటు పనిచేయదు. ఆర్థిక పరిస్థితి ఆశాజనకంగా ఉంటుంది.

వృషభ రాశి

ఈరోజు ఈ రాశి వారికి ఒత్తిడి పెరుగుతుంది. వృథా ఖర్చులు చేస్తారు. దూర ప్రయాణాలు వాయిదా పడతాయి. కుటుంబ సభ్యులతో వివాదాలు తప్పవు. వృత్తి, వ్యాపారాలలో పెట్టుబడుల విషయంలో ఆలోచించి నిర్ణయాలు తీసుకోవాలి. కుటుంబ పెద్దల ఆరోగ్య విషయాలలో అప్రమత్తంగా వ్యవహరించాలి.

మిథున రాశి

ఈ రోజు ఈ రాశి వారు నూతన కార్యక్రమాలను ప్రారంభించి లాభాలాను అందుకుంటారు. కుటుంబ సభ్యులతో కీలక విషయాల గురించి చర్చలు జరుగుతాయి. ఆర్థిక పరిస్థితి మెరుగుపడుతుంది. వృత్తి వ్యాపారాలు అనుకూలంగా సాగుతాయి. నిరుద్యోగులకు ఉద్యోగ అవకాశాలు లభిస్తాయి.

కర్కాటక రాశి

ఈ రాశి వారికి ఈరోజు ఆర్థిక లావాదేవీలు ఆశాజనకంగా ఉంటాయి. భాగస్వామ్య వ్యాపారాలు లాభాలను అందుకుంటాయి. నిరుద్యోగులకు నూతన అవకాశాలు లభిస్తాయి. కొన్ని వ్యవహారాలలో కుటుంబ సభ్యుల సహాయ సహకారాలు ఉంటాయి. శ్రమకు తగిన వృత్తి, ఉద్యోగాలలో శ్రమకు తగిన గుర్తింపు లభిస్తుంది.

సింహ రాశి

ఈ రాశి వారికి ఈరోజు ఆర్థిక పరిస్థితి కొంత అనుకూలంగా ఉంటుంది. దూర ప్రాంతాల వారి నుంచి అందిన సమాచారం ఆసక్తి కలిగిస్తుంది. బంధు మిత్రులతో ఏర్పడిన వివాదాలు పరిష్కారం దిశగా సాగుతాయి. వ్యాపార వ్యవహారాలు వేగవంతం చేస్తారు. వృత్తి, ఉద్యోగాలలో శుభవార్తలు అందుతాయి.

కన్య రాశి

ఈ రాశి వారి  ఇవాళ వ్యాపారంలో లాభాలు పొందుతారు. చేపట్టిన వ్యవహారాలలో ఆటంకాలు ఎదురైనా ధైర్యంగా పనులు పూర్తి చేస్తారు. కుటుంబ సభ్యులతో శుభకార్యాలలో పాల్గొంటారు. ఉద్యోగులకు ప్రమోషన్‌ వచ్చే సూచనలున్నవి.

తులా రాశి

ఈ రాశి వారు ఇవాళ వ్యాపారంలో ఎదురైన అవరోధాలను అధిగమిస్తారు. సంతానం, విద్యా విషయాలలో నూతన అవకాశాలు లభిస్తాయి. ఆర్థిక వ్యవహారాలు అశాజనకంగా లభిస్తాయి. ఆర్థిక వ్యవహారాలు ఆశాజనకంగా ఉంటాయి. దూర ప్రాంతాల నుంచి కీలక విషయాలు సేకరిస్తారు.

వృశ్చిక రాశి

ఈ రాశి వారు  ఇవాళ భూ సంబంధిత క్రయ విక్రయాలలో నూతన ఒప్పందాలు చేసుకుంటారు. దీర్ఘకాలిక వివాదాలు తొలగి మానసిక ప్రశాంతత పొందుతారు. వృత్తి వ్యాపారాలలో స్వల్ప లాభాలు అందుతాయి. సోదర వర్గం వారి నుంచి ఊహించని ఆర్థిక సహాయం అందుతుంది.

ధనస్సు రాశి

ఈ రాశి వారికి ఈరోజు వృత్తి ఉద్యోగాలలో నూతన ప్రోత్సాహకాలు లభిస్తాయి. విలువైన గృహోపకరణాలు కొనుగోలు చేస్తారు. విందు వినోద కార్యక్రమాలలో ఆహ్వానాలు అందుతాయి. దీర్ఘకాలిక రుణ ఒత్తిడి నుంచి బయటపడతారు. వ్యాపారాలలో ఊహించని లాభాలు అందుకుంటారు.

మకర రాశి

ఈరాశి వారికి ఈరోజు సంఘంలో గౌరవ మర్యాదలు పెరగడంతో పాటు శత్రువుల నుంచి ఆనుకోని ఆహ్వానాలు అందుతాయి. చాలా కాలం నుంచి వేధిస్తున్న సమస్యల నుంచి బయటపడతారు. జీవిత భాగస్వామి సలహాతో నూతన కార్యక్రమాలు ప్రారంభిస్తారు.

కుంభ రాశి

ఈరోజు ఈ రాశి వారు వృత్తి, వ్యాపారాలలో కీలక నిర్ణయాలు అమలు చేస్తారు. నిరుద్యోగులకు నూతన అవకాశాలు లభిస్తాయి. ఆర్థిక పరిస్థితి అంతంత మాత్రంగా ఉన్నా అవసరానికి డబ్బు అందుతుంది. సంతాన ఉద్యోగ వివాహ ప్రయత్నాలు అనుకూలిస్తాయి.

మీన రాశి

ఈరాశి వారికి ఈరోజు వాహన కొనుగోలు ప్రయత్నాలు ఫలిస్తాయి. చేపట్టిన పనులను సకాలంలో పూర్తి చేసి ప్రముఖుల నుంచి ప్రశంసలు పొందుతారు. వృత్తి ఉద్యోగాలలో స్వంత ఆలోచనలను ఆచరణలో పెడతారు. నూతన వ్యాపార ప్రారంభానికి అవరోధాలు తొలగుతాయి.

Note:  ఓక రాశిలోని ఫలితాలు మొత్తం ఒక్కరికే వర్తిస్తాయని భావించరాదు..మీ జాతకంలో గ్రహస్థితి ఆధారంగా కూడా ఫలితాల్లో మార్పులుంటాయి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.