సెప్టెంబరు 5 రాశిఫలాలు, స్నేహం - ప్రేమపై ఈ రాశివారి ఆలోచన మారుతుంది

Horoscope Today : మేష రాశి నుంచి మీన రాశివరకూ ఈ రోజు మీ రాశి ఫలితం ఎలా ఉందో ఇక్కడ తెలుసుకోండి.

Horoscope Today 05 September 2023

మేష రాశి
ఈ రాశివారికి ఆత్మవిశ్వాసం పెరుగుతుంది. ప్రేమ సంబంధాలకు సంబంధించి పెద్దల ఆమోదం పొందే అవకాశం ఉంది. ఉద్యోగులు కార్యాలయంలో అనవసర వాదనలు పెట్టుకోవద్దు. కోర్టు కేసులలో విజయం సాధిస్తారు. యోగా, ఆధ్యాత్మిక విషయాలపై ఆసక్తి ఉంటుంది. 

వృషభ రాశి
ఈ రాశివారు ఈరోజు బంధువులను కలుస్తారు. ఆర్థిక వ్యవహారాలకు భంగం వాటిల్లవచ్చు. అనవసర ఖర్చు తగ్గించాలి. వ్యక్తిగత పనుల్లో ఆటంకాలు ఏర్పడే అవకాశం ఉంది. సోమరితనం వల్ల కొన్ని అవకాశాలు కోల్పోతారు. ఉద్యోగులు, వ్యాపారులు తమ పనులపై దృష్టిసారించాలి.

మిథున రాశి
ఈ రాశివారు ఆర్థికంగా లాభపడతారు. దంపతుల బంధం బావుంటుంది. ఉద్యోగులు కార్యాలయంలో మంచి పేరు సాధిస్తారు. పిల్లల విజయాలపట్ల ఉత్సాహంగా ఉంటారు. ఆస్తి వివాదాలు పరిష్కారం అవుతాయి. వ్యాపారం బాగానే సాగుతుంది. 

కర్కాటక రాశి
ఈ రాశివారు వ్యాపారంలో అద్భుతమైన లాభాలు పొందుతారు. విద్యార్థులకు మంచి మార్గదర్శకత్వం లభిస్తుంది. పిల్లల సమస్యలను తిరస్కరించేకన్నా శాంతియుతంగా పరిష్కరించేందుకు ప్రయత్నించండి. ఆరోగ్యం కొంత బలహీనంగా అనిపించవచ్చు. 

సింహ రాశి
ఈ రాశివారు కొత్త వ్యాపారాన్ని ప్రారంభించాలి అనుకుంటే ప్రణాళికలు ముందుగానే ఫిక్స్ చేసుకోవడం మంచిది. ఈ రాశి ఉద్యోగులు ఉన్నతాధికారుల నుంచి మాటలు పడాల్సి రావొచ్చు. ఆర్థిక పరిస్థితి గురించి కొంత ఆందోళన ఉంటుంది. అనుభవజ్ఞులైన వ్యక్తుల నుంచి సలహాలు తీసుకున్న తర్వాత వ్యాపారంలో నూతన పెట్టుబడులు పెట్టడం మంచిది 

కన్యా రాశి
ఈ రాశివారు అత్యవసరం అయితే కానీ ప్రయాణాలు చేయకపోవడమే మంచిది. అనారోగ్య సమస్యలతో ఇబ్బంది పడతారు. ఇంట్లో ఏ పనీ చేయాలని అనిపించదు. పాత ఆరోగ్య సమస్యలతో ఇబ్బంది పడవలసి రావొచ్చు.  మీ బలహీనతలను అధిగమించాలి. సంబంధాలను స్నేహపూర్వకంగా ఉంచుకోవాలి

తులా రాశి
ఈ రాశివారు మానసిక ఒత్తిడి నుంచి  ఉపశమనం పొందుతారు. అనుకున్న పనులు అనుకున్నట్టు పూర్తిచేస్తారు. కొత్త వస్తువులను కొనుగోలు చేసేందుకు ఆసక్తి చూపిస్తారు. మీ జీవనశైలి మెరుగుపడుతుంది. తలపెట్టిన పనులకు జీవిత భాగస్వామి నుంచి మద్దతు పొందుతారు. 

వృశ్చిక రాశి
ఈ రాశికి చెందిన ప్రభుత్వ ఉద్యోగులు మంచి ఫలితాలు పొందుతారు. ఆరోగ్యానికి సంబంధించిన విషయాలను నిర్లక్ష్యం చేయవద్దు. క్షమశిక్షణా రాహిత్యం వల్ల మీ దినచర్య చెడిపోతుంది. వ్యాపారం బాగానే సాగుతుంది. విద్యార్థులు చదువుపై దృష్టి సారించాలి.

ధనుస్సు రాశి
ఈ రాశివారిని ఆత్మవిశ్వాసమే ముందుకు నడిపిస్తుంది. కుటుంబానికి సమయం కేటాయించడం చాలా కష్టమవుతుంది. పిల్ల ఆరోగ్యం విషయంలో శ్రద్ధ వహించాలి. ఉద్యోగులు కార్యాలయ పనిపై ప్రయాణం చేయాల్సి రావొచ్చు. అనారోగ్య సూచనలున్నాయి జాగ్రత్త. 

మకర రాశి
ఈ రాశి ఉద్యోగులు తమ పనితీరుతో ప్రశంసలు అందుకుంటారు. రాజకీయాలతో సంబంధం ఉన్న వ్యక్తులు వ్యతిరేకతను ఎదుర్కోవలసి ఉంటుంది. తెలియని వ్యక్తులను ఎక్కువగా నమ్మవద్దు. ఆలస్యమైనా సరైన దిశలో పనులు పూర్తవుతాయి. మీ జీవిత భాగస్వామి ఆరోగ్యం పట్ల శ్రద్ధ వహించండి. 

కుంభ రాశి
ఈ రాశికి చెందిన వ్యాపారులకు వ్యాపారంలో పురోగతి ఉంటుంది. ఇంట్లో ప్రశాంత వాతావరణం నెలకొంటుంది. ఆధ్యాత్మిక యాత్రను ప్లాన్ చేసుకుంటారు. కుటుంబ సమేతంగా విందులకు హాజరవుతారు. అనుకున్న పనులు అనుకున్న సమయానికి పూర్తిచేస్తారు. భాగస్వామ్య వ్యాపారం చేసేవారు మంచి ప్రయోజనాలు పొందుతారు

మీన రాశి
ఈ రాశివారికి కొన్ని క్లిష్ట పరిస్థితులు తలెత్తవచ్చు. అపరిచితులను నమ్మి ఎలాంటి ఒప్పందాలు చేసుకోవద్దు. స్నేహం, ప్రేమ గురించి మీ ఆలోచన మారవచ్చు. కొన్ని రహస్య విషయాలపై ఆసక్తి చూపిస్తారు. ఓ శుభవార్త వినే అవకాశం ఉంది. ఉద్యోగులు, వ్యాపారులు కష్టానికి తగిన ఫలితం పొందుతారు.

గమనిక:ఓ రాశిలో ఫలితాలన్నీ ఒక్కరికే చెందుతాయని భావించరాదు. మీ జాతకం, గ్రహస్థితి ఆధారంగా కూడా మారుతాయి. వ్యక్తిగత వివరాల కోసం జ్యోతిష్య పండితులను సంప్రదించగలరు.   ‘ఏబీపీ దేశం’, ‘ఏబీపీ నెట్‌వర్క్’ ఈ విషయాలను ధృవీకరించడం లేదని గమనించగలరు.