జనవరి 20 రాశిఫలాలు

మేష రాశి

ఈ రోజు కుటుంబంలో ఉన్న చిన్న చిన్న సమస్యలు పరిష్కరిస్తారు. ప్రభుత్వానికి సంబంధించిన పనుల్లో విజయం సాధిస్తారు. ఉద్యోగులు కార్యాలయంలో మంచి ఫలితాలు పొందుతారు. పూర్వీకుల నుంచి వచ్చిన వ్యాపారాన్ని విస్తరిస్తారు. వృషభ రాశి

ఈ రోజు ఈ రాశివారు శత్రువుల పట్ల జాగ్రత్తగా వ్యవహరించాలి. కార్యాలయంలో మహిళా సహోద్యోగితో గొడవలు రావొచ్చు. వ్యాపారులు మంచి లాభాలు ఆర్జిస్తారు. అధికారులు మీ పనితీరును మెచ్చుకుంటారు. ఆరోగ్యం బావుంటుంది. 

మిథున రాశి

ఈ రోజు విద్యార్థులు మంచి ఫలితాలను పొందడం వల్ల ఉత్సాహంగా ఉంటారు. దిగుమతి-ఎగుమతులకు సంబంధించిన వ్యాపారంలో భారీ ఆర్థిక లాభాలు ఉంటాయి. మీ తప్పులను సరిదిద్దుకుంటారు. వ్యాపారంలో కొత్త ఒప్పందాలు చేసుకోవడంలో జాగ్రత్త వహించండి

Also Read: తిరుమల హుండీలో సొమ్ము 3 భాగాలు - మీరు ఏ భాగంలో వేస్తున్నారు , ఎలాంటి ముడుపులు చెల్లిస్తున్నారు?

కర్కాటక రాశి

ఈ రాశివారి వైవాహిక జీవితం బావుంటుంది. ఆన్ లైన్ లావాదేవీలు చేసేవారు జాగ్రత్తగా ప్లాన్ చేసుకోండి. ఆధ్యాత్మిక చర్చలలో పాల్గొంటారు. పరిశ్రమలు నిర్వహించేవారికి నష్టాలుంటాయి.  హోటల్, రెస్టారెంట్ వ్యాపారుల ఆదాయం తగ్గే అవకాశం ఉంది. 

సింహ రాశి

ఈ రోజు పెండింగ్‌లో ఉన్న పనులను ప్రారంభించడం ద్వారా పురోగతి ఉంటుంది. ప్రత్యామ్నాయ ఆదాయ వనరులు ఏర్పరుచుకుంటారు.  మంచి కస్టమర్ల వల్ల వ్యాపారంలో స్థిరత్వం ఉంటుంది. వైవాహిక జీవితం బావుంటుంది.  కన్యా రాశి

మీరు ఈరోజు వ్యాపారం కోసం డబ్బు తీసుకోవలసి రావొచ్చు. మీ సోషల్ ఇమేజ్ చాలా బాగుంటుంది. మధుమేహ వ్యాధిగ్రస్తుల ఆరోగ్యం బలహీనంగా ఉంటుంది.  ఒత్తిడితో కూడిన పరిస్థితులను నివారించండి. పనికిరాని ఆలోచనల్లో మీ మనసు లగ్నమై ఉంటుంది.  నిరుద్యోగులకు మరికొంతకాలం నిరీక్షణ తప్పదు.

తులా రాశి

ఈ రోజు మీరు కుటుంబానికి సమయం కేటాయిస్తారు. కళారంగంతో అనుబంధం ఉన్నవారికి ఈరోజు మంచి రోజు. కొంత జాప్యంతో పనులు పూర్తవుతాయి. ప్రేమ జీవితం చాలా శృంగారభరితంగా ఉంటుంది. మధ్యాహ్నం తర్వాత కార్యాలయంలో అనుకూల పరిస్థితులు ఉంటాయి

వృశ్చిక రాశి

ఈ రోజు మీరు కార్యాలయంలో  కొన్ని పొరపాట్ల వల్ల సమస్యలను ఎదుర్కోవలసి ఉంటుంది.  వెన్నునొప్పి యొక్క ఫిర్యాదు ఉండవచ్చు. వివాహేతర సంబంధాల పట్ల ఆకర్షితులవుతారు.  విచక్షణగా వ్యవహరించండి.  

ధనుస్సు రాశి 

ఈ రోజు మీరు ఉద్యోగ ఇంటర్వ్యూలో విజయం సాధిస్తారు. మీ భావజాలానికి అంతా చాలా త్వరగా ప్రభావితమవుతారు. అన్నదమ్ముల జీవితాల్లో సానుకూల మార్పులు రావచ్చు. స్నేహితులతో కలిసి ఏదైనా కార్యక్రమానికి హాజరవుతారు. మీరు కొత్త పనిని ప్రారంభించవచ్చు 

మకర రాశి

ఈ రోజు ఆర్థిక సమస్యలు పరిష్కారమవుతాయి. నిర్మాణ పనులు ఊపందుకుంటాయి. కిందిస్థాయి ఉద్యోగులను నమ్మవద్దు. రుచికరమైన ఆహారాన్ని ఆస్వాదిస్తారు. మీరు వ్యాపారంలో సహోద్యోగుల నుంచి సహాయం తీసుకుంటారు.

Also Read: లక్ష్మీదేవి అనుగ్రహం తొందరగా దక్కాలంటే..తిరుమల శ్రీవారి సన్నిధిలో ఇలా చేయండి! కుంభ రాశి

ఈ రోజు మీకు అదృష్టం కలిసొస్తుంది. ఉద్యోగులు పనిలో ప్రశంసలు పొందుతారు. విదేశాలకు వెళ్లే అవకాశాలు ఉన్నాయి. తండ్రి , గురువుల నుంచి మార్గదర్శకత్వం పొందవచ్చు.

మీన రాశి

ఈ రాశివారు ఈ రోజు తమ అభిప్రాయాలను సరిగా వ్యక్తం చేయలేరు. పనికిరాని పనులకు డబ్బు వెచ్చించాల్సి వస్తుంది. మీకు ప్రత్యక్షంగా తెలియని విషయాలపై స్పందించవద్దు. బీమాలో పెట్టుబడి లాభదాయకంగా ఉంటుంది. ఉద్యోగం విషయంలో ఒత్తిడి ఉండవచ్చు.

Note: ఓ రాశిలోని ఫలితాలు మొత్తం ఒక్కరికే వర్తిస్తాయని భావించరాదు..మీ జాతకంలో గ్రహస్థితి ఆధారంగా కూడా ఫలితాల్లో మార్పులుంటాయి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.