Daily Horoscope for 4 September 2024
మేష రాశి
నూతన కార్యక్రమాలు చేపట్టేందుకు, నూతన ప్రణాళికలు అమలుచేసేందుకు ఈ రోజు మంచిరోజు అవుతుంది. అవివాహితులకు వివాహ సూచనలున్నాయి. నూతన వ్యక్తుల పరిచయం లాభిస్తుంది. మీ బాధ్యతలను సక్రమంగా నిర్వర్తిస్తారు. ఉద్యోగులు ఉన్నతాధికారుల నుంచి మద్దతు పొందుతారు. వ్యాపారంలో లాభాలుంటాయి.
వృషభ రాశి
అనారోగ్య సూచనలున్నాయి జాగ్రత్తపడండి. వివాదాలకు దూరంగా ఉండడం మంచిది. ఉద్యోగులు, వ్యాపారులు నూతన ప్రయోగాలు చేయొద్దు. విద్యార్థులు చదువుపై శ్రద్ధ వహించాలి. వ్యక్తిగతజీవితంలో ఉండే సమస్యలను కూర్చుని మాట్లాడుకోవడం ద్వారా పరిష్కరించుకోవచ్చు.
మిథున రాశి
మీ ప్రవర్తనతో ఆకట్టుకుంటారు. ఉద్యోగం, వ్యాపారంలో మీ ఆధిపత్యం పెరుగుతుంది. కార్యాలయంలో మీ సహోద్యోగుల ప్రభావం మీపై ఉంటుంది. అనుకూలమైన నిర్ణయాలు తీసుకుంటారు. ఆరోగ్యం బావుంటుంది.
కర్కాటక రాశి
వివాదాలు పరిష్కారం అవుతాయి. నూతన వ్యాపారం ప్రారంభించేందుకు ఇదే మంచి సమయం. కుటుంబ పెద్దల ఆరోగ్యం పట్ల శ్రద్ధ వహించండి. చెడు సహవాసాలకు దూరంగా ఉండడం మంచిది.
Also Read: ఈ నెలలో త్రిగ్రాహి యోగం.. ఈ రాశులవారికి రాజయోగం మీరు పట్టిందల్లా బంగారమే!
సింహ రాశి
ఈ రాశి వ్యాపారులు లాభదాయకమైన పెట్టుబడులు పెడతారు. ఉద్యోగులు పనితీరుతో ప్రశంసలు అందుకుంటారు. వ్యాపారులు లాభపడతారు. సహనంగా వ్యవహరించండి. మీ మాటతీరు అందర్నీ ఆకట్టుకునేలా ఉంటుంది.
కన్యా రాశి
కుటుంబ పెద్దల నుంచి మార్గదర్శకత్వం పొందుతారు. పరిశోధనా రంగంలో ఉండేవారు మంచి ఫలితాలు అందుకుంటారు. భాగస్వామ్య వ్యాపారం చేసేవారు పత్రాలను సరిగా గమనించండి. ఆర్థిక సమస్యలు పరిష్కారం అవుతాయి. వ్యక్తిగత సంబంధాలు మెరుగుపడతాయి. రాజకీయాలతో సంబంధం ఉండేవ్యక్తులకు కలిసొస్తుంది.
తులా రాశి
పాత వివాదాలు మళ్లీ తెరపైకి వస్తాయి. విద్యార్థులు చదువుపై ఏకాగ్రత వహించాలి. మద్యం, మాదక ద్రవ్యాలకు దూరంగా ఉండడం మంచిది. అనారోగ్య సమస్యలున్నాయి జాగ్రత్తపడండి.
lso Read: తారక్, రిషబ్ శెట్టి, ప్రశాంత్ నీల్ దర్శించుకున్న 'శ్రీ కేశవనాథేశ్వర' గుహ ఆలయం విశిష్టత ఇదే!
వృశ్చిక రాశి
వ్యాపారులు మంచి లాభాలు అందుకుంటారు. నూతన ప్రణాళికలు అమలుచేసేందుకు ఈ రోజు మంచిరోజు అవుతుంది. అనుకున్న సమయం కన్నా ముందే పనులు పూర్తవుతాయి. వ్యక్తిగత సంబంధాలు మెరుగుపడతాయి. ఆరోగ్యం బావుంటుంది. ఆదాయం పెరుగుతుంది
ధనస్సు రాశి
ఈ రోజు అనుభవజ్ఞులైన వ్యక్తుల నుంచి మార్గదర్శకత్వం పొందుతారు. ఎప్పటి నుంచో నిలిచిపోయిన పనులు ఈ రోజు పూర్తవుతాయి. పిల్లల కారణంగా సంతోషంగా ఉంటారు. అనుకున్న లక్ష్యాలను సాధిస్తారు. వస్త్ర సంబంధిత వ్యాపారంలో లాభం ఉంటుంది.
మకర రాశి
ఉద్యోగులు ఈ రోజు కార్యాలయంలో సంతోషంగా ఉంటారు. పరిశోధనా రంగంలో ఉండేవారు ఆశించిన ఫలితాలు పొందుతారు. మీ గౌరవం, కీర్తి పెరుగుతాయి. కుటుంబంతో కలసి ప్రయాణాలు చేసేందుకు ప్లాన్ చేసుకుంటారు.
కుంభ రాశి
ఈ రోజంతా ఆందోళనగా అనిపిస్తుంది. ఆదాయ వ్యయాల మధ్య సమతుల్యత కాపాడుకోవడం మంచిది. కొన్ని ప్రతికూల వార్తలు అందుకుంటారు. అనవసర విషయాలపై ఎక్కువ చర్చ పెట్టొద్దు. సృజనాత్మకంగా పనిచేయాలని ప్లాన్ చేసుకుంటారు.
మీన రాశి
ఈ రోజు మీరు ప్రత్యేక వ్యక్తులను కలుస్తారు. నూతన వస్తువులు , వస్త్రాలు కొనుగోలు చేస్తారు. ఆస్తులకు సంబంధించిన ఒప్పందాలు కుదుర్చుకుంటారు. రోజంతా సంతోషంగా ఉంటారు. వైవాహిక జీవితం బావుంటుంది.
Also Read: సెప్టెంబరు 2024 లో ఈ రాశులవారు అన్ని రంగాల్లో దూసుకెళ్తారు - ఆర్థికాభివృద్ధి ఉంటుంది !
Note: ఓ రాశిలోని ఫలితాలు మొత్తం ఒక్కరికే వర్తిస్తాయని భావించరాదు..మీ జాతకంలో గ్రహస్థితి ఆధారంగా కూడా ఫలితాల్లో మార్పులుంటాయి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.