Tirumala News: అన్ని రాష్ట్రాల రాజధానుల్లో వెంకటేశ్వరుని ఆలయాలు- టీటీడీ సంచలనం నిర్ణయం

TTD Decisions: మంగళవారం సమావేశమైన టీటీడీ పాలక మండలి కీలక నిర్ణయాలు తీసుకుంది. అన్ని రాష్ట్రాల రాజధానుల్లో స్వామి ఆలయాల ఏర్పాటు, భక్తుల ఫీడ్‌ బ్యాక్ తీసుకునేందుకు చర్యలు చేపట్టింది.

Tirumala News: తిరుమల తిరుపతి దేవస్థానం మరో సంచలన నిర్ణయం తీసుకుంది. తిరుమల వేంకటేశ్వరుడి ప్రాముఖ్యతను మరింతగా పెంచేందుకు కీలక నిర్ణయం తీసుకుంది. దేశంలోని అన్ని రాష్ట్రాల రాజధానుల్లో టీటీడీ ఆలయాలు ఏర్పాటు చేయాలని నిర్మయించింది. టీటీడీ చైర్మన్ బీఆర్ నాయుడు ఆధ్వర్యంలో సమావేశమైన టీటీడీ మండలి మరిన్ని కీలక నిర్ణయాలు తీసుకుంది. 

తిరుమల తిరుపతి దేవస్థాన ఆలయాలలు, ఆస్తులను మరింత విస్తరించాలని చంద్రబాబు సూచించారు. ఆయన సూచనల మేరకు నిపుణుల కమిటీ వేయాలని టీటీడీ పాలకమండలి నిర్ణయించింది. ఆ కమిటీ ఇచ్చిన నివేదిక ప్రకారం మరిన్ని సంచలన నిర్ణయాలు తీసుకోనున్నారు. అదే టైంలో చంద్రబాబు సూచించినట్టు దేశవ్యాప్తంగా ఉన్న అన్ని రాష్ట్రాల రాజధానుల్లో వెంకటేశ్వర స్వామి ఆలయాలు ఏర్పాటు చేయనున్నారు. దీనికి పాలకమండలి ఆమోదం తెలిపింది.  

ఫీడ్ బ్యాక్‌ కోసం ప్రత్యేక వ్యవస్థ

తిరుమల వచ్చే భక్తుల సౌకర్యాలపై కూడా టీటీడీ దృష్టి పెట్టింది. వచ్చే భక్తుల నుంచి ఫీడ్ బ్యాక్ తీసుకొనే చర్యలకు శ్రీకారం చుట్టింది. దీని కోసం ఫీడ్‌బ్యాక్ మేనేజ్మెంట్ సిస్టం ఏర్పాటుకు సిద్ధమైంది. ఆంధ్రప్రదేశ్ డిజిటల్ కార్పొరేషన్ హెల్ప్ తీసుకొని ఈ ప్రక్రియ చేపట్టాలని నిర్ణయించింది. తిరుమలలో ఉన్న బిగ్‌, జనతా క్యాంటీన్‌లలో ఫుడ్ సరిగా లేదని చాలా ఫిర్యాదులు వస్తున్నట్టు ప్రకటించింది. ఇక్కడ మరింత మంచి ఫుడ్ అందించేందుకు దేశవ్యాప్తంగా ఉన్న ప్రముఖ క్యాంటీన్లను ఆహ్వానించేందుకు కొత్త విధానం తీసుకురానున్నారు. తిరుమలలో ఆహార పదార్థాలను తనిఖీ కోసం ప్రత్యేకంగా ఫుడ్ సెఫ్టి డిపార్టమెంట్‌ ఏర్పాటు చేయాలని నిర్మయించారు. దీనికి సీనియర్ ఫుడ్ సేఫ్టి ఆఫీస‌ర్‌ పోస్టును SLSMPC కార్పొరేషన్ ద్వారా భర్తీ చేయనున్నారు.  

భారీగా ఉద్యోగ నియామకలం 

స్విమ్స్ ఆసుపత్రికి జాతీయ హోదా కోసం ప్రయత్నించాలని తేల్చింది పాలకమండలి.  కేంద్ర రాష్ట్ర ప్రభుత్వాలకు దీనిపై విజ్ఞాపనలు అందివ్వాలని నిర్ణయించింది. తిరుమలలో సివిల్ అసిస్టెంట్ స‌ర్జ‌న్లు, న‌ర్సులు, పారా మెడిక‌ల్ సిబ్బంది, అత్యధిక వైద్య పరికరాలు, తిరుమల అన్న ప్రసాద విభాగంలో SLSMPC ద్వారా కాంట్రాక్ట్ ప్రాతిపదికన 258 మంది సిబ్బందిని తీసుకునేందుకు మండలి ఆమోదం తెలిపింది.

ఒంటి మిట్ట ఆలయానికి బంగారు కలశం

తిరుపతిలో కంచి కామకోటి పీఠం ఆధ్వర్యంలో నిర్వహిస్తున్న పాఠశాలకు ఎస్వీ విద్యాదాన ట్రస్టు నుంచి ఏటా రూ.2 కోట్లు ఆర్థిక సాయం చేయాలని తీర్మానించారు. సర్వ దర్శనం భక్తుల కోసం ఆల్వార్ ట్యాంక్ విశ్రాంతి భ‌వ‌నాల నుంచి బాట గంగమ్మ సర్కిల్ మధ్యలో టాయిలెట్ బ్లాక్స్ నిర్మించనున్నారు. 6 బ్లాక్‌ల కోసం రూ.3.36 కోట్లు ఖర్చు పెట్టనున్నారు. ఒంటి మిట్ట కోదండ రామాలయంలో విమాన గోపురానికి పసిడి కలశం చేయనున్నారు. దీనికి రూ.43 లక్షలు ఖర్చు చేయనున్నారు. ముంబైలో శ్రీ పద్మావతి అమ్మవారి ఆలయ నిర్మాణానికి ఇచ్చిన స్థలం లీజను తగ్గించాలని మహారాష్ట్ర ప్రభుత్వానికి విజ్ఞప్తి చేయనున్నారు. ఇప్పుడు ఈ స్థలానికి రూ.20కోట్లు చెల్లిస్తున్నారు.