Anantapur Car Lorry Accident: అనంతపురం జిల్లాలో ఘోర రోడ్డు ప్రమాదం చోటుచేసుకుంది. ఈ ప్రమాదంలో నలుగురు యువకులు అక్కడికక్కడే దుర్మరణం పాలయ్యారు. పూర్తి వివరాల్లోకి వెళితే.. అనంతపురం జిల్లా బుక్కరాయసముద్రం మండలం దయ్యాలకుంట గ్రామ సమీపంలో అర్థరాత్రి ఒక లారీ, కారు ఢీ కొన్నాయి. ఈ ప్రమాదంలో నలుగురు యువకులు అక్కడికక్కడే దుర్మరణం పాలాయ్యారు.
నార్పల నుంచి అనంతపురం కి పప్పుల లోడుతో వస్తున్న లారి.. అనంతపురం నుంచి నార్పలకు వెళుతున్న కారు అర్ధరాత్రి సమయంలో ఎదురెదురుగా ఢీకొనయి. ఈ ప్రమాదం లో మృతి చెందిన నలుగురు యువకులు కూడా అనంతపురం పట్టణానికి చెందిన వారీగా పోలీసులు గుర్తించారు. మృతులు అంతా కూడా 24 సంవత్సరాల వయసున్న యువకులు ఒకరు మాత్రం 18 సంవత్సరాల యువకుడిగా గుర్తించారు. బలిజ పవన్, చాకలి పవన్, దాసరి శ్రీనివాసులు, ముస్తఫా(18) పట్టణంలోని స్టాలిన్ నగర్ కి చెందినవారు. మృతులంతా కూడా స్నేహితులు కావడంతో తీవ్ర విషాదఛాయలు అలుముకున్నాయి.
ఎక్కడికి వెళ్లినా కలిసి మెలిసి ఉండే స్నేహితులు చావులో కూడా కలిసే వెళ్లారని రోదనలు మిన్నంటుతున్నాయి. ప్రమాద ఘటన స్థలాన్ని జిల్లా ఎస్పీ జగదీష్ పరిశీలించారు. ప్రమాదం జరిగిన ఘటనపై స్థానికుల్ని అడిగి తెలుసుకున్నారు. అర్ధరాత్రి సమయం ప్రమాదం జరగటంతో అటుగా ఎవరు రాకపోవడం ప్రమాదం జరిగిన సమయంలో కారులోని వారంతా అలాగే ఇరుక్కుపోవడంతోనే వారంతా చనిపోయినట్లు తెలుస్తోందని అన్నారు. రోడ్డు వైడింగ్ కానీ ఇతరత్రా ఎటువంటి ఇబ్బందులు ఇక్కడ కనిపించలేదని.. లారీ డ్రైవర్ కొద్దిగా రైట్ లోకి రావడమే ఈ ప్రమాదానికి కారణంగా తెలుస్తోందన్నట్లు భావిస్తున్నారు. మృతదేహాలను అనంతపురం ప్రభుత్వ ఆసుపత్రికి తరలించి పోస్టుమార్టం అనంతరం వారి కుటుంబ సభ్యులకు మృతదేహాలను అందించనున్నారు. ఈ ప్రమాదంపై పోలీసులు కేసు నమోదు చేసుకుని విచారణ చేస్తామని వెల్లడించారు.