రెండు రోజుల పాటు ఏపీ, తెలంగాణలో తేలికపాటి వర్షాలు

Rains in Telangana AP: తెలుగు రాష్ట్రాల్లో ఇవాళ ఆకాశం మేఘావృతంగా ఉంటుంది. అక్కడక్కడా చిరుజల్లులు పడే అవకాశం ఉంది.

Rains in Telangana AP:బంగాళాఖాతంలో ఏర్పడిన అల్పపీడనం బలహీనపడింది. పశ్చిమ వాయువ్య దిశగా కదులుతోంది. ఇది తెలంగాణ, ఆంధ్రప్రదేశ్‌పై అంత ప్రభావం చూపడం లేదని వాతావరణ శాఖ తెలిపింది. ఈ అల్పపీడనం కారణంగా మధ్యప్రదేశ్, రాజస్థాన్, గుజరాత్‌లో మాత్రమే వర్షాలు పడబోతున్నాయి. అయితే అక్కడక్కడ తేలికపాటి వర్షాలు పడే అవకాశం ఉందని వాతావరణ శాఖ తెలిపింది. 

తెలంగాణలో వాతావరణం

తెలంగాణలో రెండు రోజుల పాటు చిరు జల్లులు పడే అవకాశం ఉందని హైదరాబాద్ వాతావరణ శాఖ తెలిపింది. కొన్ని జిల్లాల్లో ఇవాళ ఉరుములతో కూడిన వర్షాలు పడే అవకాశం ఉందని తెలిపింది. రేపు మాత్రం చిరుజల్లులు పడే ఛాన్స్ ఉందని వెల్లడించింది. 

ఏపీలో వాతావరణం 

ఆంధ్రప్రదేశ్‌, యానంలో దిగువ ట్రోపో ఆవరణం కారణంగా పశ్చిమ గాలులు వీస్తాయి. ఇవాళ తేలికపాటి నుంచి మోస్తలు వర్షాలు లేదా ఉరుములతో కూడిన చిరుజల్లులు ఒకట్రెండు చోట్ల పడతాయి. రేపు, ఎల్లుండి తేలికపాటి నుంచి మోస్తరు వర్షాలు లేదా ఉరుమలతో కూడిన జల్లు కొన్ని చోట్ల కురిసే ఛాన్స్ ఉంది. 

దక్షిణ కోస్తా, రాయలసీమలో ఇలా..
దక్షిణ కోస్తాంధ్ర, రాయలసీమ ప్రాంతాల్లో నేడు తేలికపాటి నుంచి ఒక మోస్తరు వర్షాలు కురుస్తాయని అమరావతి వాతావరణ కేంద్రం తెలిపింది. ఉమ్మడి గుంటూరు, ప్రకాశం, కృష్ణా, నెల్లూరు జిల్లాల్లో ఒకట్రెండు చోట్ల తేలికపాటి జల్లులు పడతాయి. ఒకట్రెండు చోట్ల మోస్తరు వర్షాలు కురిసే ఛాన్స్ ఉందని చెప్పింది. రాయలసీమలో నేడు తేలికపాటి జల్లుల నుంచి మోస్తరు వర్షాలు పడతాయని వాతావరణ కేంద్రం పేర్కొంది. రేపు తేలికపాటి జల్లులు పడతాయి.

హెచ్చరిక: భారీ వర్షం కురుస్తున్న సమయంలో ఇళ్ల నుంచి బయటకు రావొద్దని ప్రజలకు హెచ్చరించారు. అరటితోటలకు నష్టం వాటిల్లుతుంది. కోతకు సిద్ధంగా ఉన్న పంటలకు నష్టం జరుగుతుందన్నారు. వర్షపు నీళ్లు నిలిచిపోయే చోట ఉండకూడదు. వైర్లు, విద్యుత్ స్తంభాలకు దూరంగా ఉండాలని సూచించారు. అరటి తోటలకు నష్టం కలిగే అవకాశం ఉందని పేర్కొన్నారు. చెట్ల కింద నిల్చోకుండా సురక్షిత మైన చోట ఉండాలని ప్రజలను హెచ్చరించారు.