మహిళల ప్రీమియర్ లీగ్ మొదటి మ్యాచ్‌లో ముంబై ఇండియన్స్ జట్టు విజయం సాధించింది.

మొదట బ్యాటింగ్ చేసిన ముంబై 20 ఓవర్లలో ఐదు వికెట్ల నష్టానికి 207 పరుగులు చేసింది.

గుజరాత్ జెయింట్స్ 15.1 ఓవర్లలో 64 పరుగులకే ఆలౌట్ అయ్యారు.

దీంతో ముంబై 143 పరుగులతో ఘనవిజయం సాధించింది.

ముంబై తరఫున మెరుపు ఇన్నింగ్స్ ఆడిన హర్మన్ ప్రీత్ (65: 30 బంతుల్లో) టాప్ స్కోరర్‌గా నిలిచింది.

ప్లేయర్ ఆఫ్ ది మ్యాచ్ అవార్డు కూడా హర్మన్ ప్రీత్ కౌర్‌కే లభించింది.

ముంబై బౌలర్లలో సైకా ఇషాక్ కేవలం 11 పరుగులు మాత్రమే ఇచ్చి నాలుగు వికెట్లు తీసుకుంది.

ఒక దశలో గుజరాత్ 23 పరుగులకే ఏడు వికెట్లు కోల్పోయింది.

ఈ దశలో దయాళన్ హేమలత (29 నాటౌట్: 23 బంతుల్లో) ఆదుకుంది.

లేకపోతే రాయల్ ఛాలెంజర్స్ బెంగళూరు 49 పరుగుల రికార్డు బద్దలయ్యేది.