కుంభ రాశి కుంభం సూర్య రాశి...ఈ రాశివారిలో ఆచరణాత్మక మేధస్సు , విశ్లేషణాత్మక సామర్థ్యం అధికంగా ఉంటాయి. వీటితో పాటూ మెండితనం కూడా ఎక్కువే. కుంభ రాశి వాయుసంకేతం ఉన్న రాశి..అందుకే వీరిలో మేధో పరాక్రమ శక్తి ఎక్కువ. అన్ని విషయాలను చుట్టుముట్టేయగలరు. చక్కటి ప్రవర్తన, తీక్షణమైన చూపులు కలిగి ఉంటారు.
మకర రాశి మకరరాశి వారిలో వివేకం చాలా ఎక్కువ. ఏ విషయాన్ని అయినా క్షుణ్ణంగా పరిశీలిస్తారు. వ్యవస్థీకృత విధానంలో ఆలోచిస్తారు. వీరి ఆలోచనను ఇంప్లిమెంట్ చేస్తే ఎలాంటి సమస్యకు అయినా చెక్ పెట్టొచ్చు. మకరరాశివారు తమ లక్ష్యాలపై స్పష్టమైన అవగాహన కలిగి ఉండటం వల్ల మితిమీరిన ఉద్రేకానికి దూరంగా ఉంటారు.
మకర రాశివారు ఎన్ని మార్గాలున్నా సరైన మార్గం ఏదన్నది వీరు స్పష్టంగా గుర్తించగలుగుతారు...జరగబోయే పరిణామాలను అంచనా వేస్తారు. ఒక్కసారి టార్గెట్ ఫిక్స్ చేసుకుంటే దాన్ని సాధించేవరకూ పట్టుదలతో ఉంటారు.
ధనుస్సు రాశి ఈ రాశివారు విద్యకు ప్రాధాన్యతనిస్తూ ఉన్నత శిఖరాలను అధిరోహించాలని ఆకాంక్షిస్తారు..ఆదిశగా అడుగులేస్తారు. ఇందులో భాగంగా విస్తృత శ్రేణి అంశాల గురించి తెలుసుకునేందుకు ఆసక్తిగా ఉంటారు...నేర్చుకునేందుకు ఎంతదూరమైనా వెళతారు.
ధనుస్సు వారిలో ఇంత టాలెంట్ ఉందా అని ఎదుటివారు ఆశ్చర్యపోయేలా ఉంటారు. వీరిలో ఉన్న పాండిత్యం, ఉత్సాహం అంతులేనిది. అన్ని రంగాల్లోనూ రాణిస్తారు. వీరిలో భాషా ప్రావీణ్యం వల్ల మాటల్లో అధిగమించడం కష్టమే..
కన్యా రాశి కన్యారాశివారు పరిపూర్ణ వాదులు. ఇతరులు పెద్దగా పట్టించుకోని విషయాలే అయినా వాటిపట్ల ఆకర్షితులు అవడమే కాదు అందులో ప్రత్యేకత ఏంటన్నది చెప్పడంలో సక్సెస్ అవుతారు. ఈ రాశివారు గొప్ప జ్ఞాపక శక్తి కలిగి ఉంటారు. ఇతరుల దగ్గర పనిచేయడం కన్నా తమకంటూ ఓ ప్రపంచాన్ని సృష్టించుకోవాలని భావిస్తారు.
కన్యారాశి వారు మానేజ్మెంట్ స్థాయిలో ఉంటే బాగా సక్సెస్ అవుతారు...ఎందుకంటే ప్రణాళికలు వేయడంలో, వాటిని విజయవంతం చేయడంలో సక్సెస్ అవుతారు. కొన్ని సందర్భాల్లో సందేహంగా కనిపిస్తారు కానీ ఫైనల్లీ సక్సెస్ అవుతారు...
మిథున రాశి ఈ రాశివారు ఆశావాదులు. వేగవంతమైన ఆలోచనాపరులు, సమాచారాన్ని సేకరించడం దాన్ని పంచుకోవడంలో నిర్దిష్ట ప్రతిభను కలిగి ఉంటారు. సందర్భానుసారం ఆరోగ్యకరమైన హాస్యాన్ని ప్రదర్శించడంలో వీరికి వీరే సాటి. ఓ పని విషయంలో ఎంత నిబద్ధతగా ఉంటారో..ఖాలీ సమయంలో వారికి మక్కువ చూపే విషయాల్లో మునిగిపోతారు.