అమల్లోకి వచ్చిన యూపీఐ కొత్త రూల్స్ - మరింత పెరిగిన యూపీఐ లైట్ లిమిట్! మనదేశంలో చాలా మంది యూపీఐ వాడుతూ ఉంటారు. నవంబర్ 1వ తేదీ నుంచి యూపీఐ కొత్త రూల్స్ అందుబాటులోకి వచ్చాయి. స్మాల్ డిజిటల్ పేమెంట్స్ కోసం ఎన్‌పీసీఐ ఆటో పాప్ అప్ ఫీచర్‌ను తీసుకువచ్చింది. అంతేకాకుండా యూపీఐ లైట్ ట్రాన్సాక్షన్ లిమిట్ కూడా పెరిగింది. యూపీఐ లైట్ ట్రాన్సాక్షన్ లిమిట్‌ను రూ.500 నుంచి రూ.1000కి పెరిగింది. అలాగే వాలెట్ లిమిట్‌ను కూడా రూ.2000 నుంచి రూ.5000కి పెంచారు. ఆటో టాప్ అప్ ఫీచర్ ద్వారా యూపీఐ లైట్‌కు ఆటోమేటిక్‌గా రీఛార్జ్ చేయవచ్చు. టాప్ అప్ అమౌంట్‌ను కూడా యూజర్లు సెట్ చేసుకోవచ్చు. రూ.500 లోపు మొత్తానికి పిన్ కూడా అవసరం లేదని ఎన్‌పీసీఐ తెలిపింది.