యూట్యూబ్‌లో 1000 వ్యూస్‌కి ఎంత డబ్బులు వస్తాయి? యూట్యూబ్‌లో 1000 వ్యూస్‌కి ఎంత నగదు వస్తుందనేది అనేక అంశాల మీద ఆధారపడి ఉంటుంది. మీ వీడియోలో ఉన్న కంటెంట్, చూసేవారి లొకేషన్, యాడ్స్ క్వాలిటీ ఇలా అనేక అంశాలు ఆదాయాన్ని నిర్ణయిస్తారు. మనదేశంలో 1000 వ్యూస్‌కు 0.5 డాలర్ల నుంచి రెండు డాలర్ల వరకు లభిస్తుంది. అంటే మనదేశ కరెన్సీలో రూ.40 నుంచి రూ.150 వరకు ఉంటుందన్న మాట. యాడ్స్ మీద మొత్తంగా లభించే ఆదాయంలో 45 శాతం వరకు మాత్రమే క్రియేటర్లకు లభిస్తుంది. ఫైనాన్స్, టెక్నాలజీ, ఎడ్యుకేషన్ వీడియోలకు ఎక్కువ ఆదాయం లభిస్తుంది. ఎంటర్‌టైన్‌మెంట్, వ్లాగ్‌లకు తక్కువ ఆదాయాన్ని యూట్యూబ్ అందిస్తుంది. అమెరికా, కెనడా, యూరోప్ దేశాల నుంచి యూజర్లు చూస్తే ఎక్కువ ఆదాయం లభిస్తుంది. భారతదేశం, ఇతర అభివృద్ధి చెందుతున్న దేశాల యూజర్లు చూస్తే తక్కువ ఆదాయం వస్తుంది.