ఆదివారం రాత్రి ఢిల్లీ క్యాపిటల్స్‌తో జరిగిన మ్యాచ్‌లో చెన్నై ఓటమి పాలైంది.

కానీ చెన్నై ఫ్యాన్స్ మాత్రం ఫుల్ ఖుషీగా ఉన్నారు.

కేవలం 16 బంతుల్లోనే 37 పరుగుల మెరుపు ఇన్నింగ్స్‌ను మహేంద్ర సింగ్ ధోని ఆడటమే దీనికి కారణం.

ఈ క్రమంలో ఆయన అనేక రికార్డులు కూడా బద్దలు కొట్టాడు.

టీ20ల్లో ఏడు వేల పరుగులు పూర్తి చేసిన మొదటి ఆసియన్ వికెట్ కీపర్ బ్యాటర్‌గా ధోని నిలిచాడు.

ఒకే ఓవర్‌లో 20 కంటే ఎక్కువ పరుగులు ఎక్కువ సార్లు రాబట్టిన భారతీయ బ్యాటర్ ధోనీనే.

ఐపీఎల్‌లో ఐదు వేల పరుగులు పూర్తి చేసిన మొదటి వికెట్ కీపర్ బ్యాటర్.

ఐపీఎల్‌ చరిత్రలో 19, 20 ఓవర్లలో 100 సిక్సర్లు కొట్టిన మొదటి బ్యాటర్‌గా నిలిచాడు.

ఐపీఎల్‌లో ఛేదన సమయంలో ధోని 35 సార్లు నాటౌట్‌గా నిలిచాడు.

ఇందులో కేవలం ఎనిమిది సందర్భాల్లో మాత్రమే జట్టు ఓటమి పాలైంది.