ఐపీఎల్‌లో బ్యాడ్ లక్ ఆర్సీబీని అస్సలు వదలడం లేదు. ఆదివారం కేకేఆర్‌తో జరిగిన మ్యాచ్‌లో ఆర్సీబీ కేవలం ఒక్క పరుగుతో పరాజయం పాలైంది. ఈ మ్యాచ్‌లో మొదట బ్యాటింగ్ చేసిన కోల్‌కతా నైట్‌రైడర్స్ ఆరు వికెట్ల నష్టానికి 222 పరుగులు చేసింది. అనంతరం ఆర్సీబీ 20 ఓవర్లలో 221 పరుగులకు ఆలౌట్ అయింది. ఒకానొక దశలో ఆర్సీబీ చాలా తేలికగా గెలుస్తుందనిపించింది. కానీ రెండు ఓవర్ల వ్యవధిలో నాలుగు వికెట్లు కోల్పోయి పీకల మీదకు తెచ్చుకుంది. చివరి ఓవర్లో 21 పరుగులు చేయాల్సిన దశలో కరణ్ శర్మ మూడు సిక్సర్లతో ఆశలు రేకెత్తించాడు. కానీ స్టార్క్ రిటర్న్ క్యాచ్‌తో అతన్ని అవుట్ చేశాడు. చివరి బంతికి మూడు పరుగులు చేయాల్సిన దశలో లోకి ఫెర్గూసన్ రెండో పరుగు సాధించే సమయంలో రనౌటయ్యాడు. దీనికి తోడు కొన్ని వివాదస్పదమైన అంపైరింగ్ నిర్ణయాలు కూడా ఆర్సీబీ కొంప ముంచాయి.