ఐపీఎల్ 2024లో సన్‌రైజర్స్ దండయాత్ర ఆగడం లేదు.

శనివారం ఢిల్లీ క్యాపిటల్స్‌తో జరిగిన మ్యాచ్‌లో 67 పరుగులతో ఘనవిజయం సాధించింది.

ఈ విజయంతో సన్‌రైజర్స్ హైదరాబాద్ పాయింట్ల పట్టికలో రెండో స్థానానికి దూసుకెళ్లింది.

ఓడిన ఢిల్లీ క్యాపిటల్స్ ఏడో స్థానానికి పడిపోయింది.

ఈ మ్యాచ్‌లో మొదట బ్యాటింగ్ చేసిన సన్‌రైజర్స్ ఏడు వికెట్ల నష్టానికి 266 పరుగులు చేసింది.

ఐపీఎల్ చరిత్రలోనే ఇది నాలుగో అత్యధిక స్కోరు.

అనంతరం ఢిల్లీ క్యాపిటల్స్ 19.1 ఓవర్లలో 199 పరుగులకు ఆలౌట్ అయింది.

సన్‌రైజర్స్ బ్యాటర్లలో ట్రావిస్ హెడ్ (89: 32 బంతుల్లో) టాప్ స్కోరర్‌గా నిలిచాడు.

ట్రావిస్ హెడ్‌కు ప్లేయర్ ఆఫ్ ది మ్యాచ్ అవార్డు లభించింది.

ఢిల్లీ క్యాపిటల్స్ బ్యాటర్లలో జేక్ ఫ్రేజర్ మెక్‌గుర్క్ (65: 18 బంతుల్లో) మెరుపు ఇన్నింగ్స్ ఆడాడు.