ఐపీఎల్‌లో శనివారం ఢిల్లీ క్యాపిటల్స్, సన్‌రైజర్స్ హైదరాబాద్ జట్ల మధ్య మ్యాచ్ జరుగుతోంది.

ఈ మ్యాచ్‌లో సన్‌రైజర్స్ 20 ఓవర్లలో ఏడు వికెట్ల నష్టానికి 266 పరుగులు చేసింది.

సన్‌రైజర్స్ బ్యాటర్లు ఈ మ్యాచ్‌లో పలు రికార్డులు బద్దలుకొట్టారు.

ఐపీఎల్ చరిత్రలోనే ఇది నాలుగో అత్యధిక స్కోరు.

ఒకటి (287/3), రెండు (277/3) స్థానాల్లో సన్‌రైజర్సే ఉండగా, మూడో స్థానంలో కేకేఆర్ (272/7) ఉంది.

ఈ మ్యాచ్‌లో సన్‌రైజర్స్ బ్యాటర్లు 22 సిక్సర్లు కొట్టారు.

ఐపీఎల్ చరిత్రలోనే ఇది హయ్యస్ట్.

ఫ్రాంచైజీ టీ20 క్రికెట్లో 250 పరుగులకు పైగా మూడు సార్లు సాధించిన రెండో జట్టుగా సన్‌రైజర్స్ నిలిచింది.

మొదటి స్థానంలో ఇంగ్లండ్ క్లబ్ టీమ్ సర్రే ఉంది.

ఐపీఎల్ హిస్టరీలో మొదటి 10 ఓవర్లలో అత్యధిక స్కోరును సన్‌రైజర్స్ (158/4) సాధించింది.