ఐపీఎల్‌లో నేడు పంజాబ్ కింగ్స్, ముంబై ఇండియన్స్ మ్యాచ్ అరుదైన రికార్డుకు వేదిక కానుంది.

ఇది ముంబై ఇండియన్స్ మాజీ కెప్టెన్ రోహిత్ శర్మకు 250వ ఐపీఎల్ మ్యాచ్.

మహేంద్ర సింగ్ ధోని తర్వాత 250 ఐపీఎల్ మ్యాచ్‌ల మార్కును దాటిన ఆటగాడిగా రోహిత్ నిలవనున్నాడు.

ఐపీఎల్‌లో రోహిత్ శర్మ పలు రికార్డులు తన ఖాతాలో వేసుకున్నాడు.

ఏకంగా ఆరు ఐపీఎల్ టైటిళ్ల విజయాల్లో తన భాగస్వామ్యం ఉంది.

2009లో విజేతగా నిలిచిన డెక్కన్ ఛార్జర్స్ జట్టులో రోహిత్ శర్మ సభ్యుడు.

అనంతరం ముంబైకి కెప్టెన్‌గా ఐదు ఐపీఎల్ ట్రోఫీలు గెలిచాడు.

కెప్టెన్‌గా ప్రస్తుతం రోహిత్ శర్మ, మహేంద్ర సింగ్ ధోని అత్యధికంగా ఐదేసి ట్రోఫీలు సాధించారు.

2015 సీజన్‌ ఫైనల్స్‌లో ప్లేయర్ ఆఫ్ ది మ్యాచ్‌గా రోహిత్ నిలిచాడు.

ఐపీఎల్ ఫైనల్స్‌లో ప్లేయర్ ఆఫ్ ది మ్యాచ్ అవార్డు గెలిచిన మొదటి కెప్టెన్‌గా రోహిత్ రికార్డులకు ఎక్కాడు.