సాధారణంగా క్రికెట్ మ్యాచ్‌ల్లో రకరకాల బంతులు ఉపయోగిస్తూ ఉంటారు. టెస్ట్ క్రికెట్‌లో కేవలం రెడ్ బాల్‌ను మాత్రమే ఉపయోగిస్తారు. దీనికి ప్రధాన కారణం వైట్ డ్రస్‌లో ఆడేటప్పుడు స్పష్టంగా కనిపించడమే. పగటి పూట ఎర్ర బంతి చాలా స్పష్టంగా కనిపిస్తుంది. బ్యాట్స్‌మెన్‌కు కనిపించట్లేదు అనే సమస్య ఉండదు. ఎర్ర బంతి కుట్లు చాలా దగ్గరగా ఉంటాయి. మెటీరియల్ కూడా వేరేది వాడతారు. దీని కారణంగా ఎర్ర బంతి ఎక్కువ సేపు షేప్‌లో ఉంటుంది. వైట్ బాల్‌ని పరిమిత ఓవర్ల క్రికెట్‌లో వాడతారు. తెలుపు రంగులో ఉండే బంతి రాత్రి కూడా స్ఫష్టంగా కనిపిస్తుంది. వన్డేల్లో రెండు ఎండ్‌ల నుంచి రెండు బాల్స్ వాడతారు కాబట్టి పెద్ద సమస్య ఉండదు. వైట్ బాల్ స్టిచ్చింగ్ కూడా వైట్‌గానే ఉంటుంది. కొంత సేపటి తర్వాత స్మూత్‌గా మారుతుంది.