సానియా మాజీ భర్త షోయబ్ మాలిక్ ఇటీవలే మూడో పెళ్లి చేసుకున్నారు. పాకిస్తానీ నటి సనా జావేద్‌ను షోయబ్ వివాహం చేసుకున్నారు. సనా జావేద్‌కు కూడా ఇది రెండో వివాహం. గాయకుడు ఉమర్ జస్వాల్‌ను సనా మొదటి వివాహం చేసుకున్నారు. ఉమర్ జస్వాల్, షోయబ్ మాలిక్ కూడా ఒకప్పుడు మంచి స్నేహితులని తెలుస్తోంది. గతేడాది షోయబ్ మాలిక్ కూడా సనా జావేద్ పుట్టినరోజుకు శుభాకాంక్షలు తెలిపారు. ఆ పోస్టులో ఉమర్ జస్వాల్‌ను కూడా షోయబ్ మాలిక్ ట్యాగ్ చేశారు. అప్పటికి సనా, ఉమర్ విడాకులు తీసుకోలేదు. దీన్ని బట్టి షోయబ్ మాలిక్ వారికి ఫ్యామిలీ ఫ్రెండ్ అని అర్థం చేసుకోవచ్చు.