2024 టీ20 వరల్డ్ కప్ అమెరికా, వెస్టిండీస్‌ల్లో జరగనుంది. ఈ టోర్నమెంట్ పూర్తి షెడ్యూల్‌ను ఐసీసీ ప్రకటించింది. రోహిత్ శర్మ, విరాట్ కోహ్లీ ఈ టోర్నీలో ఆడతారో, లేదో క్లారిటీ రాలేదు. 2023 వన్డే వరల్డ్ కప్ ఫైనల్ ఓటమి తర్వాత వీరిద్దరూ పరిమిత ఓవర్ల క్రికెట్‌కు దూరంగా ఉన్నారు. ఆఫ్ఘనిస్తాన్ సిరీస్‌లో వీరిద్దరూ ఆడతారా లేదా అని కూడా అనుమానాలు నెలకొన్నాయి. చీఫ్ సెలక్టర్ అజిత్ అగార్కర్ దీని గురించి వీరితో మాట్లాడటానికి దక్షిణాఫ్రికా వెళ్లారు. వీరిద్దరూ ఈ సిరీస్‌లో ఆడతారని తెలుస్తోంది. మరికొద్ది రోజుల్లో ఆఫ్ఘన్ సిరీస్‌కు జట్టును బీసీసీఐ ప్రకటించే అవకాశం ఉంది. బోర్డు సెక్రటరీ జై షా కూడా దీనిపై తుది నిర్ణయం తీసుకోవాల్సి ఉంది.