ముందుగా జనగణన కోసం ప్రభుత్వం కేటాయించిన అధికారిక వెబ్‌సైట్ లేదా 'సెన్సస్ మొబైల్ యాప్' ఓపెన్ చేయాలి.

మీ మొబైల్ నంబర్‌ను ఉపయోగించి పోర్టల్‌లో రిజిస్టర్ అవ్వాలి. OTP ద్వారా లాగిన్ ప్రక్రియ పూర్తి చేయాలి.

మీ ఇంటి యజమాని వివరాలతో పాటు కుటుంబ సభ్యులందరి పేర్లు, వయస్సు, లింగం వంటి ప్రాథమిక సమాచారం అందించాలి.

మీ శాశ్వత చిరునామా, ప్రస్తుత నివాసం, ఇంటి రకం వంటి వివరాలను నమోదు చేయాలి.

కుటుంబ సభ్యుల చదువు, చేస్తున్న పని లేదా వ్యాపారం, వృత్తి వంటి వివరాలను జాగ్రత్తగా నింపాలి.

ఇంట్లో ఉన్న సౌకర్యాలు , వాహనాలు, టీవీ, ఫోన్ వంటి ఇతర గృహోపకరణాల వివరాలను అడుగుతారు.

మీరు మాట్లాడే మాతృభాష , మీ మతపరమైన వివరాలను నమోదు చేయాల్సి ఉంటుంది.

అన్ని వివరాలు నింపిన తర్వాత, ఒకసారి మళ్ళీ సరిచూసుకోవాలి. తప్పులు ఉంటే అక్కడే సరిదిద్దుకోవచ్చు.

వివరాలన్నీ సరిగా ఉన్నాయని నిర్ధారించుకున్నాక, 'Submit' బటన్ నొక్కాలి. మీ మొబైల్ నంబర్‌కు ఒక రిఫరెన్స్ నంబర్ వస్తుంది.

జనగణన సిబ్బంది మీ ఇంటికి వచ్చినప్పుడు, మీరు ఆన్‌లైన్‌లో చేసిన రిజిస్ట్రేషన్ రిఫరెన్స్ నంబర్‌ను వారికి చూపిస్తే సరిపోతుంది.