మేషం ఈ నెలలో గ్రహసంచారం మీకు అనుకూలంగా ఉంటుంది. ఉద్యోగులు, వ్యాపారులకు అంతా మంచే జరుగుతుంది. ఆరోగ్యం బావుంటుంది. ధనలాభం ఉంటుంది. కుటుంబంలో సంతోషం ఉంటుంది. వాహనం కొనుగోలు చేస్తారు. బంధువులను కలుస్తారు.
వృషభం వృషభ రాశివారికి ఆగస్టు నెలలో బాగా కలిసొస్తుంది. అన్ని రంగాల్లో ఉండేవారికి ఈ నెల అనుకూల సమయం. వృత్తి, వ్యాపారాలు బాగా సాగుతాయి. ఆదాయానికి లోటుండదు. ప్రతివిషయంలోనూ దూకుడుగా వ్యవహరిస్తారు. భూసంబంధిత వ్యవహారాల్లో పాల్గొంటారు.
మిథునం మిథున రాశివారికి ఆగస్టు నెలలో ధన వ్యయం అధికంగా ఉంటుంది. వృత్తి వ్యాపారాలు కలిసొస్తాయి. కుజుడు రెండో స్థానంలో ఉన్నందున చిన్న చిన్న ఆర్థిక ఇబ్బందులుంటాయి. ఊహించని ఖర్చులు పెరుగుతాయి. ప్రమాదం జరిగే అవకాశం ఉంది. వాహనం జాగ్రత్తగా నడపాలి.
కర్కాటకం ఈ నెలలో ఈ రాశివారికి అంతా అనుకూలమే. ఉద్యోగులు, వ్యాపారులు, విద్యార్థులకు శుభసమయం. ఆరోగ్యం బావుంటుంది. గౌరవ మర్యాదలు పెరుగుతాయి. భూ సంబంధిత వ్యవహారాలు సక్సెస్ అవుతాయి. ఇతరుల విషయంలో జోక్యం చేసుకోవద్దు.
సింహం ఆగస్టు నెలలో సింహరాశివారికి గ్రహాలన్నీ మీకు అనుకూలంగా ఉన్నాయి. అన్ని రంగాల వారికి కలిసొచ్చే సమయం ఇది. అనుకున్న పనులు అనుకున్న సమయానికి పూర్తిచేస్తారు. ఆదాయానికి లోటుండదు. భార్య భర్త మధ్య సరైన అవగాహన ఉంటుంది. ధైర్యంగా ముందుకు సాగుతారు.
కన్య ఆగస్టు నెలలో కన్యారాశివారికి బాగానే ఉంది. ఏ పనితలపెట్టినా పూర్తిచేస్తారు. ఉద్యోగం, వృత్తి వ్యాపారాలు కలిసొస్తాయి. ఆరోగ్యం బావుంటుంది. ఆర్థిక వ్యవహారాలు బాగానే సాగుతాయి. ప్రతివిషయంలో ధైర్యంగా ముందుకుసాగుతారు. ఆధ్యాత్మిక కార్యక్రమాల్లో పాల్గొంటారు.
తుల ఈ నెలలో తులా రాశివారు ఏ పని మొదలెట్టినా పూర్తిచేయగలుగుతారు. కొన్నాళ్లుగా వేధిస్తున్న సమస్యల నుంచి బయటపడతారు. ప్రభుత్వ సంబంధిత కార్యక్రమాలు పూర్తవుతాయి. అష్టమంలో కుజుడి సంచారం వల్ల వాహన ప్రమాదం ఉంది జాగ్రత్త. స్థిరాస్తి వ్యవహారాల్లో నష్టపోతారు.
వృశ్చికం ఈ రాశివారికి ఈ నెలలో అంతా శుభసమయమే. పెండింగ్ లో ఉండిపోయిన మొత్తం చేతికందుతుంది. ఆర్థిక పరిస్థితి బావుంటుంది. గతంలో ఉన్న సమస్యలు తొలగిపోతాయి. 8 వ స్థానంలో సంచరిస్తున్న శుక్రుడి వల్ల భార్యకు ఆరోగ్య భంగం ఉంటుంది. స్త్రీ విరోధం తప్పదు.
ధనస్సు ధనస్సు రాశివారికి అష్టమంలో గ్రహసంచారం వల్ల ఆగస్టు నెల అంత అనుకూలంగా ఉండదు. శారీరక శ్రమ పెరుగుతుంది. వృత్తి వ్యాపారాలు అంత అనుకూలంగా ఉండవు. అకాల భోజనం చేయాల్సి వస్తుంది. అనవసర విషయాల్లో జోక్యం చేసుకోవడం వల్ల ప్రశాంతత ఉండదు.
మకరం మకర రాశివారికి కూడా అష్టమంలో గ్రహ సంచారం వల్ల పరిస్థితులు పెద్దగా కలసిరావు. ఆర్థిక సమస్యలు ఇబ్బంది పెడతాయి. ఉద్యోగులకు బదిలీలు తప్పవు. అద్దె ఇళ్లలో ఉండేవారు మరో ఇంటికి మారే అవకాశం ఉంది. కొత్త సమస్యలు వేధిస్తాయి. ఏం మాట్లాడినా విరోధం తప్పదన్నట్టు ఉంటుంది.
కుంభం కుంభ రాశివారికి ఆగష్టు నెల బాగానే ఉంటుంది. ఆరోగ్యం బావుంటుంది. ఆర్థిక ఇబ్బందులుండవు. అవసరానికి ధనం చేతికందుతుంది. ప్రతి విషయంలోనూ ధైర్యంగా ముందుకు సాగుతారు. శత్రువులే మిత్రులుగా మారి సహాయం చేస్తారు. తలపెట్టిన వ్యవహారాలు కలిసొస్తాయి.
మీనం మీన రాశివారికి కూడా ఆగష్టు నెల బావుంది. అనుకున్న పనులు అనుకున్న సమయానికి పూర్తిచేస్తారు. ఏ పని చేసినా సక్సెస్ అవుతారు.ఆర్థిక పరిస్థితి బావుంటుంది. ఆరోగ్యం బావుంటుంది. చేపట్టిన పనులు త్వరగా పూర్తవుతాయి. స్నేహితుల సహాయం లభిస్తుంది.