ఐపీఎల్ చరిత్రలో అత్యంత ఖరీదైన ఆటగాడిగా మిషెల్ స్టార్క్ నిలిచాడు. రూ.24.75 కోట్లకు స్టార్క్‌ను కోల్‌కతా నైట్‌రైడర్స్ కొనుగోలు చేసింది. టీ20ల్లో స్టార్క్ రికార్డు ఇంప్రెసివ్‌గా ఉంది. మిషెల్ స్టార్క్ ఇప్పటివరకు 58 అంతర్జాతీయ టీ20లు ఆడాడు. ఈ మ్యాచ్‌ల్లో మిషెల్ స్టార్క్ 73 వికెట్లు పడగొట్టాడు. తన ఎకానమీ రేటు 7.63 మాత్రమే. టీ20ల్లో ఇది పొదుపైన ఎకానమీ అని చెప్పవచ్చు. తన బౌలింగ్ సగటు 22.92గా ఉంది. ఇంతకు ముందు ఐపీఎల్‌లో మిషెల్ స్టార్క్ ఆర్సీబీ తరఫున ఆడాడు. 27 మ్యాచ్‌ల్లో 34 వికెట్లు పడగొట్టాడు. అతని ఎకానమీ 7.17గా ఉంది. 2018లోనే స్టార్క్‌ను కోల్‌కతా వేలంలో కొనుగోలు చేసింది. కానీ అతను గాయం కారణంగా ఒక్క మ్యాచ్ కూడా ఆడలేకపోయాడు.