బీపీని పెంచే కారకాలు ఇవే..
ప్రపంచ వ్యాప్తంగా బీపీతో ఎందరో మరణానికి గురవుతున్నారు. దీనివల్ల గుండె సమస్యలు, బ్రెయిన్, కిడ్నీ సమస్యలు పెరిగి ఇవి మరణానికి దారి తీస్తున్నాయి.
అందుకే కొన్ని రెగ్యూలర్ టిప్స్ ఫాలో అవ్వడం వల్ల బీపీ కంట్రోల్ అవుతుందంటున్నారు నిపుణులు. ఇంతకీ ఆ టిప్స్ ఏంటంటే..
ఒత్తిడి పెరిగితే బీపీ కూడా పెరుగుతుంది. అందుకే దానికి గల కారణాలు గుర్తించి ఒత్తిడిని తగ్గించుకోవాలంటున్నారు. యోగా, బ్రీతింగ్ ఎక్సర్సైజ్ల వల్ల ఒత్తిడి తగ్గుతుంది.
కొందరు ఎక్కువగా కాఫీ తాగుతూ ఉంటారు. కానీ కాఫీ బీపీని పెంచడంతో పాటు గుండె సమస్యలను కూడా ఇది పెంచుతుందంటున్నారు. అందుకే దానికి దూరంగా ఉండాలి.
కొందరు ప్రాసెస్ చేసిన, షుగర్ ఎక్కువుండే ఫుడ్స్ని ఎక్కువగా తింటారు. అన్హెల్తీ ఫ్యాట్స్ బ్లెడ్ ప్లెజర్ని ఎక్కువ చేస్తుంది. గుండె ఆరోగ్యానికి మంచిది కాదు.
కొందరు ప్రతిదాంట్లోనూ ఉప్పు వేసుకుంటూ ఉంటారు. దీనిని ఎంత తగ్గిస్తే బీపీ అంత కంట్రోల్లో ఉంటుందంటున్నారు నిపుణులు.
మద్యం తాగే అలవాటు ఉంటే దానిని వీలైనంత త్వరగా మానాలి. మానలేని స్థితిలో తగ్గించడానికైనా ట్రై చేయండి. దీనివల్ల బీపీ పెరిగి దీర్ఘకాలిక సమస్యలు పెరుగుతాయి.
మందు తాగడం కన్నా స్మోకింగ్ ఇంకా డేంజర్ అంటున్నారు. ఇది లోపలి నుంచి శరీరాన్ని ఇబ్బందులకు గురిచేస్తుంది. బీపీతో పాటు ఇతర ప్రాణాంతక వ్యాధులు పెరుగుతాయి.
బద్ధకంగా ఓ మూలకు ఉండడం ఆరోగ్యానికి మంచిది కాదు. ముఖ్యంగా బీపీ ఉండేవారు కచ్చితంగా ఈ విషయంలో జాగ్రత్తలు తీసుకోవాలి. యాక్టివ్గా ఉండాలి.
బీపీ ఉన్నా లేకున్నా బరువును అదుపులో ఉంచుకోవాలి. లేదంటే ఆరోగ్య సమస్యలు ఎక్కువ అవుతాయి. ఇవి గుండె, మధుమేహ సమస్యలను మరింత పెంచుతాయి.
బీపీకి మధుమేహాన్ని జంటపక్షిగా చెప్తారు. షుగర్ రానంతవరకే ఏదైనా. వస్తే మాత్రం పరిస్థితి మీ చేయి జారిపోతుంది. కాబట్టి షుగర్ని ఎప్పుడూ కంట్రోల్లో ఉంచుకోవాలి.
ఇవన్నీ కేవలం అవగాహన కోసమే. నిపుణుల సలహాలు పాటిస్తే మంచిది. (Images Source : Pinterest)