'ఓనం సాధ్య' చరిత్ర, ప్రాముఖ్యతలు తెలుసా?
ఓనం వేడుకల్లో పదవ రోజున 'ఓనం సాధ్య' నిర్వహిస్తారు. ఇది ఆహార ఉత్సవాన్ని సూచించే గొప్ప విందుగా చెప్తారు.
ఓనం సాధ్య అంటే అరటి ఆకుపై వడ్డించే రంగు రంగుల రుచికరమైన భోజనం. పురాణాల, సామాజిక బంధం, సంప్రదాయ పరిరక్షణను ఇది సూచిస్తుంది.
ఈ ట్రెడీషనల్ శాఖాహార విందులో దాదాపు 26 వంటకాలు ఉంటాయి. ప్రతి ఒక్కటి జాగ్రత్తగా తయారు చేసి అరటి ఆకుపై వడ్డిస్తారు.
ఓనం సాధ్య కేవలం రుచిని హైలెట్ చేయడమే కాదు.. సామూహికంగా సమాజాలను ఏకం చేయడాన్ని సూచిస్తుంది.
ఓనం సాధ్య కేరళ గొప్ప పురాణాల నుంచి, చరిత్ర నుంచి ఉద్భవించింది. ఈ విందు మహబలి రాజు కథతో విడదీయరాని సంబంధం కలిగి ఉంది. అతని దయాపూర్వక పాలన, దైవిక దృష్టిని చాటి చెప్తోంది ఓనమ్.
విష్ణువు వామన రూపంలో ఒక పొట్టి బ్రాహ్మణుడిగా అవతరించాడని.. మహాబలి వినయాన్ని పరీక్షించడానికి.. వామన రూపంలో వచ్చాడని చెప్తారు.
ఓనం మహాబలి తన ప్రజల దగ్గరకు ప్రతి ఏడాది తిరిగి రావడాన్ని సూచిస్తుంది. ఇది కేరళ సాంస్కృతిక ఐక్యతను సూచిస్తుంది.
ఓనం వేడుకల్లో భాగంగా పుష్పాలతో రంగుల ముగ్గులు, ఆటలు, పడవ పోటీలు, పులికలి, విలువిద్య వంటి ఆచారాలు ఫాలో అవుతారు.
అరటి ఆకుల్లో వడ్డించి చేతులతో తినడం ద్వారా అందరూ సమానమేనని సూచిస్తూ.. సమానత్వాన్ని చాటి చెప్తుంది.