ఈ మధ్యకాలంలో చిన్నవారు కూడా తెల్లని జుట్టుతో ఇబ్బంది పడుతున్నారు. వయసు పెరిగే కొద్ది వచ్చే తెల్లజుట్టు యుక్తవయసులోనే వచ్చేస్తుంది.
ఇలా చిన్నతనంలోనే జుట్టు నెరవడానికి పోషకాలు, విటమిన్ల లోపమే ప్రధాన కారణమట. జుట్టు రంగు, ఆరోగ్యాన్ని కాపాడుకోవడంలో సరైన పోషణ ఉండాలని అంటున్నారు.
జుట్టు రంగును ప్రభావితం చేసే విటమిన్లను అర్థం చేసుకుంటే.. జుట్టు ముందుగానే తెల్లబడకుండా ఉంటుంది. సహజమైన జుట్టు రంగుకోసం ఇవి హెల్ప్ చేస్తాయి.
విటమిన్ బి12 లోపం వల్ల జుట్టు రంగు తేలికై చివరకు తెల్లగా మారుతుంది. ఆరోగ్యకరమైన జుట్టు కోసం ఆహారం లేదా సప్లిమెంట్ల ద్వారా తగినంత బి12 తీసుకోవడం చాలా అవసరం.
విటమిన్ డి లోపం కూడా జుట్టు అకాలంగా నెరసిపోవడానికి ఒక కారణం. ఈ విటమిన్ జుట్టు కుదుళ్ల ఆరోగ్యానికి, మొత్తం జుట్టు బలానికి అవసరమవుతుంది.
సూర్యరశ్మిలో ఉండడం వల్ల శరీరానికి విటమిన్ డి అందుతుంది. ఆరోగ్యకరమైన జుట్టు పెరుగుదలకు ఇది హెల్ప్ చేస్తుంది. జుట్టు నెరసిపోవడాన్ని నివారించవచ్చు.
విటమిన్ ఇ యాంటీఆక్సిడెంట్లలో పుష్కలంగా ఉంటుంది. ఇది జుట్టు కుదుళ్లను దెబ్బతినకుండా కాపాడుతుంది. జుట్టును బలంగా, మెరిసేలా, బూడిద రంగులోకి మారకుండా హెల్ప్ చేస్తుంది.
అధిక ఒత్తిడి స్థాయిలు జుట్టు నెరసిపోవడాన్ని వేగవంతం చేస్తాయి. జీవనశైలిలో మార్పులు చేయడం వల్ల ఒత్తిడిని కంట్రోల్ చేయవచ్చు. జుట్టు ఆరోగ్యానికి కూడా మేలు జరుగుతుంది.
విటమిన్స్ అధికంగా ఉండే ఆహారాలు, సప్లిమెంట్లను చేర్చుకోవడం వల్ల అకాలంగా జుట్టు నెరసిపోకుండా ఉంటుంది. దీర్ఘకాలంలో బలమైన, ఆరోగ్యకరమైన జుట్టును పొందవచ్చు.