హల్వా రెసిపీ.. రవ్వతో టేస్టీగా ఇలా చేసేయండి

ఇండియాలో చాలామంది హల్వాను ఇష్టంగా తింటారు.

పూజ సందర్భాలలో, ఇతర ఫంక్షన్ల సమయంలో హల్వా చేసుకుంటారు.

అయితే మీకు తెలుసా? ఈ రవ్వ హల్వా ఇంట్లో చేసుకోవడం చాలా సులభం.

హల్వా తయారు చేయడానికి మీకు 1 కప్ రవ్వ, 1 కప్ చక్కెర, 4 కప్పుల నీరు, ½ కప్ నెయ్యి, ¼ టీ స్పూన్ యాలకులు, 1 టేబుల్ స్పూన్ బాదం అవసరం.

మరొక పాన్ లో నెయ్యి వేసి.. నెయ్యి కరగడం ప్రారంభించినప్పుడు.. అందులో రవ్వ వేసి.. తక్కువ మంట మీద కలుపుతూ ఉండాలి.

అదే సమయంలో మరోవైపు ఒక పాన్లో అవసరమైనంత నీరు తీసుకుని.. అందులో చక్కెర వేసి.. తక్కువ మంట మీద పాకం తయారు చేసుకోండి.

రవ్వ లేత గోధుమరంగులోకి మారిన తర్వాత.. ఇందులో పంచదార పాకం, యాలకులు వేసి కలపాలి. ఆ తర్వాత మంటను తగ్గించి ఉడకనివ్వాలి.

హల్వా తయారు చేసేటప్పుడు పొడవైన హ్యాండిల్ ఉన్న పాన్ ఉపయోగించండి. ఎందుకంటే రవ్వలో చక్కెర పాకం పోసినప్పుడు చాలా ఆవిరి వస్తుంది. అది మీద పడకుండా ఉంటుంది.

ఇలాతయారు చేసుకున్న హల్వాలో బాదం వేసి గార్నిష్ చేసి వేడిగా వడ్డించుకుని లాగించేయండి.