ఆరోగ్యకరమైన శరీరానికి, మనసుకు మంచి నిద్ర అవసరం. సరిగ్గా నిద్రపోకపోతే రోగనిరోధక శక్తి బలహీనపడుతుంది. శక్తి తగ్గుతుంది. ఏకాగ్రత దెబ్బతింటుంది.
నిద్ర లేకపోవడం ఒత్తిడి, ఊబకాయం, మధుమేహం, గుండె సమస్యలు వస్తాయి. అందుకే రాత్రిపూట తినే ఫుడ్స్ ఈ సమస్యలను పెంచుతాయి.
నిద్ర బాగా రావాలంటే సమయానికి పడుకోవడమే కాదు. సరైన ఫుడ్స్ కూడా తీసుకోవాలి. ఇది విశ్రాంతిని పెంచుతుంది.
రాత్రి సమయంలో మసాలా, ఎక్కువ మసాలాలు ఉన్న ఫుడ్స్ తీసుకోకూడదు. దీనివల్ల ఎసిడిటీ పెరుగుతుంది. గుండెల్లో మంట, అజీర్తి పెరుగుతాయి. దీనివల్ల నిద్ర సరిగ్గా రాదు.
చిప్స్, ఇన్స్టంట్ నూడుల్స్, ఇతర ప్రాసెస్ చేసిన స్నాక్స్లలో అధికంగా ఉప్పు, చక్కెర, అనారోగ్యకరమైన కొవ్వులు ఉంటాయి. ఇవి జీర్ణక్రియను కష్టతరం చేస్తాయి.
ఐస్ క్రీమ్ లాంటి చల్లని డెజర్ట్లు రక్తంలో చక్కెర స్థాయిలను పెంచుతాయి. ఇవి ఎనర్జీని పెంచుతాయి. ఇవి మీ స్లీపింగ్ సైకిల్కి ఆటంకాన్ని కలిగిస్తాయి. దీనివల్ల మీరు ఎక్కువసేపు మేల్కొని ఉంటారు.
నిద్రపోయే ముందు కాఫీ, టీ లేదా ఇతర కెఫిన్ కలిగిన పానీయాలు తాగడం వల్ల నిద్రకు ఆటంకం కలుగుతుంది. కెఫిన్ మెదడును ఉత్తేజితం చేస్తుంది.గాఢ నిద్రను దూరం చేస్తుంది.
మద్యం నిద్రను ఇవ్వొచ్చు. కానీ కాలక్రమేణా ఇది నిద్రను దూరం చేస్తుంది. దీనివల్ల విశ్రాంతి దూరమవుతుంది.
నిద్రపోయే ముందు రెడ్ మీట్ తీసుకుంటే జీర్ణం అయ్యేందుకు ఎక్కువ సమయం పడుతుంది. ఇది మీ శరీరానికి విశ్రాంతిని దూరం చేస్తుంది.