నల్లని యాలకులు తెలుసా? ఇంట్లో పెంచుకోండిలా

పెద్ద ఏలకులను నల్లని యాలకులు అంటారు. ఇవి ఎండబెట్టి వాటి పండ్లు, గింజలను వంటల్లో ఉపయోగిస్తారు.

వీటిని ఇంట్లో పెంచుకోవాలనుకుంటే.. మంచి క్వాలిటీ గల పెద్ద యాలకులను ఎంచుకుని.. 24 గంటల పాటు గోరువెచ్చని నీటిలో నానబెట్టుకోవాలి.

పది నుంచి పన్నెండు అంగుళాల లోతు ఉండే, నీరు పోయేందుకు మంచి వ్యవస్థ ఉన్న కుండీని ఎంచుకోండి. ఎందుకంటే ఈ మొక్క వేర్లు ఎక్కువ లోతు పెరగవు.

50% సారవంతమైన మట్టి 30% ఎరువు లేదా పశువుల ఎరువు, 20% కొబ్బరి పీచు లేదా ఇసుక కలిపి తయారు చేసుకోండి.

విత్తనాలను నేలలో 1–2 సెంటీమీటర్ల లోతులో నాటండి. వాటిని మట్టితో కప్పండి.

విత్తనాలు నాటిన తరువాత నేలలో తేమ ఉండేలా మట్టిపై కొద్దిగా నీరు చల్లండి.

కుండీని ఉదయం లేత సూర్యరశ్మి తగిలేలా ఉంచండి. ఎందుకంటే ఈ మొక్క నీడను ఇష్టపడుతుంది.

విత్తనాలు మొలకెత్తడానికి 30 నుంచి 40 రోజులు పట్టవచ్చు. ప్రతి 20–25 రోజులకు సేంద్రియ ఎరువులు, వానపాముల కంపోస్ట్ వేయడం వల్ల బాగా పెరుగుతుంది.

మొక్కకు తేమ నిరంతరం ఉండేలా చూసుకోండి. మొక్క 2–3 సంవత్సరాలలో యాలకులు ఇవ్వడం ప్రారంభిస్తుంది.