దట్టమైన, మృదువైన, సహజంగా మెరిసే జుట్టు మొత్తం రూపాన్ని, ఆత్మవిశ్వాసాన్ని పెంచుతుంది. ఆరోగ్యకరమైన జుట్టు చూడటానికి బాగుండటమే కాకుండా మంచి స్కాల్ప్ సంరక్షణ, పోషణ, జీవనశైలి సమతుల్యతను కూడా ప్రతిబింబిస్తుంది.
రోజూవారి దినచర్యలు, కాలుష్యానికి గురికావడం, క్రమరహిత నిద్ర, రోజువారీ ఒత్తిడి జుట్టు నేరుగా ప్రభావితం చేస్తాయి. కాలక్రమేణా ఈ అంశాలు కుదుళ్లను బలహీనపరుస్తాయి. సహజమైన మెరుపును తగ్గిస్తాయి.
జుట్టు రాలడం నుంచి చుండ్రు, పొడిబారడం, చిట్లిపోవడం, నిర్జీవంగా మారడం వంటి సమస్యలు ఎక్కువగా కనిపిస్తాయి. ఈ ప్రారంభ సంకేతాలను నిర్లక్ష్యం చేస్తే.. దీర్ఘకాలిక స్కాల్ప్ నష్టం, జుట్టు పలుచబడటానికి దారితీస్తుంది.
క్రమం తప్పకుండా నూనె రాయడం అనేది అత్యంత పురాతనమైన, ప్రభావవంతమైన జుట్టు సంరక్షణ చికిత్సలలో ఒకటి. ఇది రక్త ప్రసరణను మెరుగుపరుస్తుంది. మూలాలను బలపరుస్తుంది.
కొన్ని సహజ నూనెలు క్రమం తప్పకుండా వాడితే.. తలపై లోతుగా పనిచేసి, దెబ్బతిన్న వాటిని బాగుచేసి.. కుదుళ్లను బలోపేతం చేస్తాయి. మొత్తం జుట్టు ఆకృతిని మెరుగుపరుస్తాయి.
కొబ్బరి నూనె లారిక్ ఆమ్లంతో సమృద్ధిగా ఉంటుంది. ఇది జుట్టు కుదుళ్ల లోపలికి లోతుగా చొచ్చుకుపోతుంది. ఇది ప్రోటీన్ నష్టాన్ని తగ్గిస్తుంది. జుట్టును బలపరుస్తుంది. అధికంగా విరిగిపోకుండా నిరోధిస్తుంది.
విటమిన్ ఇ, ముఖ్యమైన ఫ్యాటీ యాసిడ్స్ పుష్కలంగా ఉన్న బాదం నూనె, పొడిబారడాన్ని దూరం చేసి.. జుట్టును మృదువుగా చేస్తాయి. మెరుపును ఇస్తాయి. చిక్కులను తగ్గిస్తుంది.
ఆముదం తల చర్మానికి రక్త ప్రసరణను మెరుగుపరుస్తుంది. కుదుళ్లను బలపరుస్తుంది. క్రమం తప్పకుండా వాడటం వల్ల ఒత్తైన పెరుగుదలకు సహాయపడుతుంది. కాలక్రమేణా జుట్టు పలుచబడటాన్ని తగ్గిస్తుంది.
ఆమ్లా నూనె తలకు పోషణనిస్తుంది. జుట్టు కుదుళ్లను బలోపేతం చేస్తుంది. జుట్టు రంగును సహజంగా ఉంచుతుంది. ఆరోగ్యకరమైన పెరుగుదలను అందిస్తుంది.
అర్గాన్ నూనె తేలికైన నూనె. ఇందులో విటమిన్ E, యాంటీఆక్సిడెంట్లు, కొవ్వు ఆమ్లాలు ఉంటాయి. ఇది పొడి, చిక్కులు త్గగించి, లోతుగా హైడ్రేట్ చేస్తుంది. జుట్టు చిట్లడాన్ని తగ్గించడంలో సహాయపడుతుంది.