బీట్రూట్ జ్యూస్ ఆరోగ్యానికి చాలా మేలు చేస్తుంది. ఇది మొత్తం ఆరోగ్యం, శక్తిని మెరుగుపరుస్తుంది.
బీట్రూట్ జ్యూస్ చేసే ముఖ్యమైన ప్రయోజనాల్లో ఒకటి ఏమిటంటే.. ఇది శరీరంలో రక్తం పెరగడానికి సహాయపడుతుంది. తద్వారా మెరుగైన రక్త ప్రసరణను అందిస్తుంది.
అయితే బీట్ రూట్ జ్యూస్ కొందరు తాగవద్దని చెప్తున్నారు నిపుణులు. అది ఆరోగ్యానకిి మంచిదైనా తాగకూడదని చెప్తున్నారు.
బీట్రూట్లలో ఆక్సలేట్లు ఉంటాయి. ఇవి మూత్రపిండాల్లో రాళ్లు ఏర్పడటానికి దోహదం చేస్తాయి. మూత్రపిండాల సమస్యలు ఉన్నవారు సమస్యలు రాకుండా ఉండటానికి దీనిని తీసుకోకూడదు.
బీట్రూట్ జ్యూస్లో సహజమైన చక్కెర ఎక్కువగా ఉంటుంది. ఇది మధుమేహ వ్యాధిగ్రస్తుల రక్తంలో చక్కెర స్థాయిలను పెంచుతుంది. కాబట్టి ఇది వారికి సురక్షితం కాదు.
జీర్ణ సమస్యలతో ఇబ్బంది పడేవారు బీట్రూట్ జ్యూస్ తీసుకోకూడదు. ఎందుకంటే దానిలోని పీచు పదార్థం కడుపు ఉబ్బరం, ఇతర జీర్ణ సమస్యలకు కారణం అవుతుంది.
చర్మ సంబంధిత అలర్జీలు ఉన్నవారు బీట్రూట్ జ్యూస్ తాగడం మానుకోవాలి. ఇది అలర్జీ, ప్రతిచర్యలను ఎక్కువ చేస్తుంది.
బీట్రూట్ జ్యూస్ రక్తపోటును తగ్గిస్తుంది. కాబట్టి ఇప్పటికే తక్కువ రక్తపోటు ఉన్న వారు మైకం లేదా వాంతులు వచ్చే అవకాశం ఉంది.
బీట్రూట్ జ్యూస్ ఐబీఎస్ లక్షణాలను మరింత తీవ్రతరం చేస్తుంది. కడుపు తిమ్మిరితో సహా, దీనితో బాధపడేవారు తాగకపోవడమే మంచిది.