భారతదేశపు మొట్టమొదటి మహిళా ప్రొఫెషనల్ ట్రక్ డ్రైవర్‌గా గుర్తింపు పొందిన యోగితా రఘువంశీ జీవితం ఎంతో మందికి స్ఫూర్తిదాయకం

భారతదేశంలో ట్రక్ డ్రైవింగ్ ను చాలా కాలం పాటు పురుషుల వృత్తిగా ఉంది.

యోగితా రఘువంశీ ఈ ఆలోచన మార్చేశారు.

ఆమె కేవలం ఒక డ్రైవర్ మాత్రమే కాదు, LL.B పట్టా పొందిన క్వాలిఫైడ్ న్యాయవాది.

ఒక రోడ్డు ప్రమాదంలో తన భర్త అకాల మరణం చెందడంతో తప్పని పరిస్థితుల్లో ట్రక్ డ్రైవర్‌గా మారారు.

వకీలు వృత్తిలో ప్రారంభంలో వచ్చే సంపాదన పిల్లల చదువులకు, కుటుంబ ఖర్చులకు సరిపోకపోవడంతో లారీ స్టీరింగ్ పట్టాలని నిర్ణయించుకున్నారు.

ఆమె ఎన్నో అవహేళనలను, సామాజిక అడ్డంకులను ,తోటి డ్రైవర్ల వింత చూపులను తట్టుకుని నిలబడ్డారు.

సుమారు ఒక సంవత్సరం శిక్షణ పొందిన తర్వాత, 2004లో అధికారికంగా ట్రక్కు నడపడం ప్రారంభించారు.

ఏకంగా 10 నుంచి 14 చక్రాలు గల భారీ ట్రక్కులను దేశంలోని మారుమూల హైవేలపై అనాయాసంగా నడుపుతారు.

భోపాల్‌ను నుంచి హైదరాబాద్, ముంబై, ఢిల్లీ, చెన్నై, కేరళ వంటి సుదూర ప్రాంతాలకు సరుకు రవాణా చేస్తూ వేలాది కిలోమీటర్లు ప్రయాణిస్తారు.

ఆమె కుమార్తె ఇంజనీరింగ్ పూర్తి చేయగా, కుమారుడు కూడా ఉన్నత చదువులు అభ్యసించాడు.