వెస్టిండీస్‌తో జరుగుతున్న మొదటి వన్డేలో భారత్ ఐదు వికెట్లతో ఘనవిజయం సాధించింది.

మొదట బ్యాటింగ్ చేసిన వెస్టిండీస్ 23 ఓవర్లలో 114 పరుగులకే ఆలౌట్ అయింది.

అనంతరం భారత్ 22.5 ఓవర్లలో ఐదు వికెట్లు కోల్పోయి లక్ష్యాన్ని ఛేదించింది.

వెస్టిండీస్ బ్యాటర్లలో కెప్టెన్ షాయ్ హోప్ (43: 45 బంతుల్లో) టాప్ స్కోరర్‌గా నిలిచాడు.

భారత బ్యాటర్లలో ఇషాన్ కిషన్ (52: 46 బంతుల్లో) అర్థ సెంచరీ సాధించాడు.

ఈ మ్యాచ్‌లో రోహిత్ శర్మ బ్యాటింగ్ ఆర్డర్‌లో పలు మార్పులు చేశాడు.

రోహిత్ శర్మనే ఏడో స్థానంలో బ్యాటింగ్‌కు వచ్చాడు.

2013 తర్వాత రోహిత్ టాప్ 6 కంటే తర్వాత బ్యాటింగ్‌కు రావడం ఇదే మొదటిసారి.

విరాట్ కోహ్లీకి అయితే అసలు బ్యాటింగ్ చేసే అవకాశమే రాలేదు.