అనుష్కను స్టార్ హీరోయిన్గా మార్చిన సినిమాలు ఇవే
అనుష్క శెట్టి అసలు పేరు స్వీటి శెట్టి. సినిమాల్లోకి రాకముందు అనుష్క సోషల్ టీచర్గా, యోగా ఇన్స్ట్రక్టర్గా వర్క్ చేసింది.
పూరిజగన్నాథ్ దర్శకత్వంలో.. నాగార్జున హీరోగా చేసిన సూపర్ సినిమాతో అనుష్క తన కెరీర్ను మొదలు పెట్టింది. ఆ సినిమాలో గ్లామరస్ పాత్రలో సెకండ్ హీరోయిన్గా చేసింది అనుష్క.
రాజమౌళి దర్శకత్వంలో వచ్చిన విక్రమార్కుడు సినిమాతో అనుష్కకు మంచి గుర్తింపు వచ్చింది. ఈ సినిమాలో ఆమె నటనకు తెలుగు కుర్రకారు ఫిదా అయిపోయింది. అనుష్క కోసమే మళ్లీ మళ్లీ సినిమా చూసినవారు కూడా ఉన్నారు.
లక్ష్యం సినిమా కమర్షియల్ హిట్ అందుకుంది అనుష్క. గోపిచంద్తో చేసిన ఈ సినిమా బాక్సాఫిస్ వద్ద కలెక్షన్ల వర్షం కురింపించింది. అనుష్క అందానికి, నటనకు అభిమానులు పెరుగుతూ వచ్చారు.
అనుష్కను స్టార్ హీరోయిన్గా చేసిన సినిమా అరుంధతి. కోడి రామకృష్ణ దర్శకత్వంలో వచ్చిన హీరోయిన్ సెంట్రిక్ సినిమా అనుష్కను టాప్లో నిలబెట్టింది. తెలుగులోనే కాకుండా.. ఇతర భాషల్లోనూ ఆమెకు మంచి గుర్తింపును తెచ్చింది. ఈ సినిమాకు నంది అవార్డు కూడా అందుకుంది.
స్టార్ హీరోయిన్గా మారిన అనుష్క వేశ్యగా చేస్తుందని ఎవరూ ఊహించి ఉండరు. ఇలా చేస్తే ఛాన్స్లు వస్తాయో రావో అని భయపడతారు. కానీ వేశ్య పాత్రకు స్వీటి.. స్వీట్నెస్ తీసుకొచ్చింది. హీరోయిన్గా ఉంటూ ఈ తరహా క్యారెక్టర్ చేసిన అనుష్క గట్స్కి హ్యాట్సాఫ్ చెప్పాలి.
ఖలేజా సినిమాలో హీరోయిన్ని ఐరన్ లెగ్గా, ఆమె వల్ల నెగిటివ్ వస్తుందనే విధంగా క్యారెక్టర్ డిజైన్ చేసినా.. స్వీటి ఆ సినిమా చేసి మరోసారి ప్రేక్షకులకు దగ్గరైంది.
హీరోయిన్ సెంట్రిక్ పాత్రలో భాగమతి సినిమాతో బాక్సాఫీస్ కలెక్షన్లు కొల్లగొట్టింది అనుష్క. హీరోల సినిమాలకు ధీటుగా ఈ సినిమా కలెక్షన్లు రాబట్టింది.
బాహుబలి సినిమాలో ప్రభాస్కి తల్లిగా చేసి అందరినీ షాక్కి గురిచేసింది అనుష్క. మిర్చిలో ప్రభాస్తో రోమాన్స్ చేసి.. బాహుబలిలో ఇలాంటి పాత్ర చేసి అందరిని విస్మయానికి గురిచేసింది స్వీటి.
ఇప్పటికీ అనుష్క అభిమానులు ఆ ఒక్కసినిమా చేయకపోతే బాగుండు అనే సినిమానే సైజ్ జీరో. ఎందుకంటే ఈ సినిమా కోసం అనుష్క లావుగా మారింది. సహజంగా కనిపించాలని లావుగా మారి ఇప్పటికీ బరువు తగ్గడంలో ఇబ్బందులు పడుతుంది. మహిళల్లో పాజిటివిటీ తీసుకోరావలనే ఉద్దేశంతోనే స్వీటి ఈ సినిమా చేసింది.
వయసులో తనకంటే చిన్నవాడైన నవీన్ పోలిశెట్టితో.. పెళ్లి చేసుకోకుండా ప్రెగ్నెన్సీ అనే కాన్సెప్ట్తో వచ్చి ప్రేక్షకులను మరోసారి మెస్మరైజ్ చేసింది స్వీటి.
బిల్లా, మిర్చి, శౌర్యం, పంచాక్షరి, సింగం ఇలా ఎన్నో సినిమాలు అనుష్కను ప్రేక్షకులకు దగ్గర చేశాయి. మరిన్ని ఇంట్రెస్టింగ్ సినిమాలతో స్వీటి మరికొద్ది రోజుల్లో ప్రేక్షకుల ముందుకు రానుంది.