ఈ ఫుడ్ ఫోబియాలు మీకున్నాయేమో చెక్ చేసుకోండి

కొన్ని ఆహారాలు కొందరిలో భయాన్ని (ఫోబియా) రెట్టింపు చేస్తాయి. అలాంటి ఫోబియాలు ఇవిగో...

చాక్లెట్లు అంటే భయంతో చచ్చేవాళ్లు ఉన్నారు. ఈ ఫోబియాను క్సోకోలాటోఫోబియా (Xocolatophobia)అని అంటారు.

పీనట్ బటర్ అంటే భయపడడాన్ని అరకిబ్యూటిరోఫోబియా (Arachibutyrophobia)అంటారు.

వెల్లుల్లి, ఉల్లిపాయలు వంటి అల్లియమ్ కుటుంబానికి చెందిన ఆహారాల వాసన, రూపం నచ్చకపోవడం కొందరిలో కలుగుతుంది. ఈ ఫోబియాను అలియంఫోబియా (Alliumphobia) అంటారు.

వంట అంటే మాత్రం చాలా భయపడిపోతారు కొంతమంది. వారికి ఉన్న ఈ ఫోబియాను మెజిరోకోఫోబియా (Mageirocophobia)అంటారు.

కూరగాయలతో వండిన వంటలను తినడానికి భయపడడాన్ని లాచనోఫోబియా (Lachanophobia)అంటారు.

పండ్లను చూసి భయపడేవారికి ఉన్న ఫోబియాను ఫ్రక్టోఫోబియా ( Fructophobia) అంటారు.

పుల్లగా ఉండే పండ్లు, ఆహారాలు అంటే కొంతమంది భయపడతారు. ఈ ఫోబియాను ఎసిరోఫోబియా (Acerophobia) అంటారు.