వాట్సాప్, టెలిగ్రామ్ , ఫేస్‌బుక్‌లో 'స్టాక్ మార్కెట్ టిప్స్' లేదా 'భారీ లాభాలు' అంటూ గ్రూపుల్లో యాడ్ చేస్తే వెంటనే బయటకు వచ్చేయండి.

పెట్టుబడి పెట్టే యాప్ లేదా సంస్థ ఖచ్చితంగా సెబీ (SEBI) వద్ద రిజిస్టర్ అయి ఉందో లేదో తనిఖీ చేయండి.

ఒక్క రోజులోనే డబ్బు డబుల్ అవుతుంది లేదా నెలలోనే 50% లాభం వంటి ఆఫర్లు ఇచ్చేవారంతా కేటుగాళ్లే

నిందితులు పంపే లింక్‌ల ద్వారా ఏవైనా APK ఫైల్స్‌ను లేదా అపరిచిత యాప్‌లను ఇన్‌స్టాల్ చేయకండి.

వ్యక్తిగత ఖాతాలకు నగదు బదిలీ చేయకండి, ట్రేడింగ్ కోసం మీరు పంపే డబ్బు ఎప్పుడూ కార్పొరేట్ కంపెనీ ఖాతాకు వెళ్లాలి.

మీ లాభాలను విత్‌డ్రా చేసుకోవాలంటే మళ్ళీ 'టాక్స్' లేదా 'సర్వీస్ ఛార్జ్' అడిగితే మోసపోయినట్లే.

స్క్రీన్ షేరింగ్ యాప్స్ వద్దు.AnyDesk లేదా TeamViewer వంటి స్క్రీన్ షేరింగ్ యాప్‌లను డౌన్‌లోడ్ చేయమని సైబర్ నేరగాళ్లు కోరుతారు.

నేరగాళ్లు ప్రముఖ ట్రేడింగ్ కంపెనీల పేర్లతోనే నకిలీ వెబ్‌సైట్లు సృష్టిస్తారు. ఆ వెబ్‌సైట్ అడ్రస్ (URL) స్పెల్లింగ్‌ను జాగ్రత్తగా పరిశీలించండి.

బ్యాంకింగ్ లావాదేవీలు చేసేటప్పుడు బహిరంగ ప్రదేశాల్లోని ఉచిత వైఫైని వాడటం సురక్షితం కాదు.

మోసపోయారని తెలిస్తే, ఏమాత్రం ఆలస్యం చేయకుండా 1930 సైబర్ క్రైమ్ హెల్ప్‌లైన్ నంబర్‌ లేదా www.cybercrime.gov.in పోర్టల్‌లో ఫిర్యాదు చేయండి.