డిజిటల్ అరెస్ట్ అని ఎవరైనా చెబితే అది పెద్ద మోసం అని తెలుసుకోవాలి. ఎందుకంటే మన చట్టాల్లో డిజిటల్ అరెస్ట్ లేదు.

మీ పేరు మీద మాదకద్రవ్య స్మగ్లింగ్, మనీ లాండరింగ్ వంటి తీవ్ర నేరాల కేసు ఉందని భయపెడతారు. మన భయమే వారికి ఆదాయం.

. కేసు 'సెటిల్' చేయడానికి లేదా 'పర్సనల్ బాండ్' ఇవ్వమని డబ్బు డిమాండ్ చేస్తారు. UPI, బ్యాంక్ ట్రాన్స్‌ఫర్ ద్వారా డబ్బు వసూలు చేస్తారు

ఫేక్ అరెస్ట్ వారెంట్లు, కోర్టు నోటీసులు, అధికారిక లెటర్‌లు ఇమెయిల్ లేదా వాట్సాప్ ద్వారా పంపుతారు.

2024లో మాత్రమే 2 వేల కోట్ల రూపాయలు మోసపోయారు. ఇందులో చదువుకున్నవారూ ఉన్నారు.

ప్రధాని నరేంద్ర మోదీ 'మన్ కీ బాత్'లో ఈ మోసాలపై హెచ్చరించారు. అధికారులు వీడియో కాల్‌ల ద్వారా అరెస్ట్ చేయరు అని స్పష్టం చేశారు.

సుప్రీంకోర్టు ఈ మోసాలపై తీవ్రంగా స్పందించి, అన్ని రాష్ట్రాలకు నోటీసులు జారీ చేసింది. దేశవ్యాప్త దర్యాప్తు అవసరమని చెప్పింది

అధికారులు మొదట ఫోన్‌లో మాట్లాడి, తర్వాత వీడియో కాల్‌లో 'అరెస్ట్' చేయరు. డబ్బు డిమాండ్ చేస్తే, అది మోసమే.

అపరిచిత కాల్స్‌కు స్పందించకండి. సందేహం ఉంటే, స్థానిక పోలీస్ స్టేషన్‌కు కాల్ చేయండి.

మోసం జరిగితే, వెంటనే 1930 (సైబర్ క్రైమ్ హెల్ప్‌లైన్)కు కాల్ చేయండి లేదా www.cybercrime.gov.in వెబ్‌సైట్‌లో రిపోర్ట్ చేయండి.