రికార్డు టికెట్ రేట్లతో వస్తున్న ‘పుష్ప 2’ - అఫీషియల్‌గానే వెయ్యికి పైగా!

అల్లు అర్జున్, సుకుమార్‌ల ‘పుష్ప 2’ డిసెంబర్ 5వ తేదీన విడుదల కానుంది.

ఈ సినిమాకు తెలంగాణ ప్రభుత్వం రికార్డు రేటులో హైక్స్‌ను జారీ చేసింది.

ముందు రోజు ప్రీమియర్లకు సాధారణ టికెట్ రేట్ల మీద ఏకంగా రూ.800 హైక్ ఇచ్చింది.

డిసెంబర్ 4న రాత్రి 9:30కు వేసే ప్రీమియర్లకు టికెట్ రేట్లు సింగిల్ స్క్రీన్లలో రూ.1121, మల్టీఫ్లెక్స్‌లో రూ.1239గా ఉండనున్నాయి.

మొదటి నాలుగు రోజుల పాటు సింగిల్ స్క్రీన్లలో రూ.354, మల్టీఫ్లెక్స్‌లో రూ.531గా టికెట్ రేట్లు ఉండనున్నాయి.

ఐదో రోజు నుంచి 12వ రోజు వరకు సింగిల్ స్క్రీన్లలో రూ.300.9, మల్టీఫ్లెక్స్‌లో రూ.472గా ఉండనుంది.

13వ రోజు నుంచి 29వ రోజు వరకు సింగిల్ స్క్రీన్లలో రూ.200.6, మల్టీఫ్లెక్స్‌లో రూ.354గా ఉండనుంది.

దీంతో ఈ సినిమా రికార్డు స్థాయిలో వసూళ్లు సాధించడం ఏ మాత్రం కష్టం కాదని చెప్పవచ్చు.

మొదటి రోజు ప్రపంచవ్యాప్తంగా రూ.300 కోట్లను ‘పుష్ప 2’ వసూలు చేస్తుందని అంచనా.