బ్యాంకుల్లో ఇన్సూరెన్స్ ,ఇతర థర్డ్-పార్టీ ప్రొడక్ట్స్ కొనడం అనేది పూర్తిగా ఖాతాదారుడి ఇష్టం. బలవంతం చేయకూడదు.

ఇన్సూరెన్స్ తీసుకోలేదనే సాకుతో లోన్ రిజెక్ట్ చేయకూడదు.

లోన్ భద్రత కోసం ఇన్సూరెన్స్ అవసరమైతే, కస్టమర్ తనకు నచ్చిన, తక్కువ ప్రీమియం ఉన్న ఏ ఇన్సూరెన్స్ కంపెనీ పాలసీ అయినా తీసుకోవచ్చు.

ఖాతాదారుడికి తెలియకుండా ఫామ్‌లపై సంతకాలు తీసుకోవడం లేదా నెట్ బ్యాంకింగ్‌లో ఆటోమేటిక్‌గా ఇన్సూరెన్స్ ప్రీమియం డెబిట్ చేయడం నేరం.

బ్యాంక్ సిబ్బందికి ఇన్సూరెన్స్ కంపెనీల నుంచి వచ్చే ఇన్సెంటివ్‌లు, ఇంటర్నల్ టార్గెట్ల కోసం కస్టమర్లను వేధించకూడదు.

బ్యాంకులు తమ సిబ్బంది పనితీరును కేవలం 'ఇన్సూరెన్స్ అమ్మకాల' ఆధారంగా అంచనా వేయకూడదని ఆర్బీఐ స్పష్టం చేసింది.

బలవంతంగా పాలసీ తీసుకున్నట్లయితే, బాండ్ అందిన 15 నుండి 30 రోజులలోపు దానిని రద్దు చేసుకునే హక్కు కస్టమర్‌కు ఉంటుంది.

బ్యాంక్ ఖాతా ఫామ్ లేదా లోన్ అప్లికేషన్ ఫామ్‌తో పాటు ఇన్సూరెన్స్ ఫామ్‌ను కలిపి ఉంచకూడదు.

ఏదైనా బ్యాంక్ బ్రాంచ్ కస్టమర్లపై ఒత్తిడి తెచ్చినట్లు రుజువైతే, ఆర్బీఐ సదరు బ్యాంకుపై భారీగా మోనటరీ పెనాల్టీలు విధిస్తుంది.

బ్యాంక్ సిబ్బంది బలవంతం చేస్తే కస్టమర్లు ముందుగా సదరు బ్యాంక్ గ్రీవెన్స్ అధికారికి ఫిర్యాదు చేయవచ్చు.