'బిగ్‌ బాస్' తో ప్రేక్షకులని అలరించిన శ్రీ సత్య, సోహైల్ రియాన్ కలిసి తాజాగా ఓ రొమాంటిక్ రీల్ చేశారు.

‘మిస్టర్ ప్రెగ్నెంట్’ సినిమాలోని 'హే చెలి' అనే మెలోడీ సాంగ్ రీల్ కోసం వీరిద్దరూ చేతులు కలిపారు.

సయ్యద్ సోహైల్ రియాన్ హీరోగా నటించిన ‘మిస్టర్ ప్రెగ్నెంట్’ ప్రమోషన్స్ లో భాగంగా ఈ వీడియో చేశారు.

ఇందులో సోహైల్ - శ్రీ సత్యల మధ్య కెమిస్ట్రీ బాగా కుదిరిందని నెటిజన్లు కామెంట్లు చేస్తున్నారు.

వీరిద్దరూ సినిమాలో హీరో హీరోయిన్లుగా నటిస్తే బాగుంటుందని అభిప్రాయ పడుతున్నారు.

తెలుగమ్మాయి మంగళంపల్లి శ్రీ సత్య 'బిగ్‌ బాస్ తెలుగు-6' రియాలిటీతో పాపులారిటీ సంపాదించుకుంది.

మోడల్ గా కెరీర్ ప్రారంభించిన ఈ బ్యూటీ.. ‘మిస్ విజయవాడ’ ‘మిస్ ఆంధ్రప్రదేశ్’ టైటిల్స్ గెలుచుకుంది.

‘నేను శైలజ’ ‘లవ్ స్కెచ్’ ‘గోదారి నవ్వింది’ 'అంతా భ్రాంతియేనా’ ‘తొందర పడకు సుందర వదనా’ వంటి చిత్రాల్లో చిన్న పాత్రల్లో నటించింది శ్రీ సత్య.

సినిమాల్లో నటించినా అమ్మడికి ఆశించిన స్థాయిలో గుర్తింపు దక్కలేదు.

ముద్ద మందారం, నిన్నే పెళ్లాడతా, అత్తారింట్లో అక్కాచెల్లెళ్లు, త్రినయని వంటి సీరియల్స్ శ్రీ సత్యకు మంచి పేరు తెచ్చిపెట్టాయి.