'అవతార్' అంటే ఓ ఎమోషనల్ ఫిల్మ్, విజువల్ వండర్! 13 ఏళ్ళ తర్వాత వచ్చిన సీక్వెల్ 'అవతార్ 2' ఎలా ఉంది? కథ : పండోరా గ్రహంపై పిల్లలు, భార్యతో కలిసి జేక్ సల్లీ హ్యాపీగా ఉంటారు. అతడూ నావి జాతిలో కలిసిపోతాడు. నావి జాతి మనిషిగా మారిన కల్నల్, పండోరా గ్రహం మీదకు వచ్చి జేక్ సల్లీ మీద పగ తీర్చుకోవాలని అనుకుంటాడు. ఫ్యామిలీ రక్షణకు పండోరా గ్రహం మీద సముద్ర తీరంలో తిమింగలాలతో జీవించే రీఫ్ తెగ నీడలో జేక్ ఫ్యామిలీ ఉంటుంది. జేక్‌ను చంపాలనే కల్నల్ లక్ష్యం నెరవేరిందా? అతడికి సముద్రంలో టుల్‌కున్స్ ఎలా సాయం చేశాయి? అనేది కథ. సినిమా ఎలా ఉంది? : విజువల్స్ పరంగా 'అవతార్ 2' అద్భుతం. చూస్తే సినిమాను త్రీడీలో చూడాలి. టెక్నికల్ పరంగా సినిమా హై స్టాండర్డ్స్‌లో ఉంది. 'అవతార్ 2'లో అండర్ వాటర్ సీన్స్ అద్భుతమని చెప్పాలి. సినిమా మొదలైన రెండు గంటలు చాలా నిదానంగా సాగుతుంది. చివరి గంటలో జేమ్స్ కామెరూన్ అద్భుతం సృష్టించారు. పండోరా గ్రహం మనకు కొత్త కనుక 'అవతార్'ను కళ్ళప్పగించి చూశాం. తెలిసిన ప్రపంచంలో రొటీన్ కథ కావడంతో నిరాశ పడతాం. విజువల్స్, యాక్షన్ విషయంలో జేమ్స్ కామెరూన్‌కు హ్యాట్సాఫ్ చెప్పాలి. రివేంజ్ డ్రామాగా 'అవతార్ 2'ను ఎండ్ చేశారు. కేట్ విన్స్‌లెట్ ఫ్యాన్స్‌కూ నిరాశే. స్క్రీన్ మీద ఆమె కనపడలేదు. మోషన్ క్యాప్చర్ కావడంలో గుర్తు పట్టడం కష్టం.