నేచురల్ బ్యూటీ సాయి పల్లవి అమర్‌నాథ్ యాత్రకు వెళ్లిన సంగతి తెలిసిందే. దీనికి సంబంధించిన వీడియోని ఆమె సోదరి పూజా కన్నన్ షేర్ చేసింది.

ఇటీవల SK21 మూవీ కాశ్మీర్ షెడ్యూల్ షూటింగ్ పూర్తైన తర్వాత ఆమె తన తన తల్లిదండ్రులు, సోదరితో కలిసి అమర్‌నాథ్ ఆలయాన్ని సందర్శించింది.

అమర్‌నాథ్ యాత్ర విశేషాలను, అనుభవాలను ఎప్పటికప్పుడు సోషల్ మీడియా ద్వారా పంచుకుంటూ వచ్చింది సాయి పల్లవి.

60 ఏళ్ల వయసున్న తన తల్లిదండ్రులను ఈ యాత్రకు తీసుకువెళ్లడం ఎంతో సవాలుగా అనిపించిందని ఇన్‌స్టాగ్రామ్‌ పోస్టులో రాసుకొచ్చింది.

ఈ యాత్ర తన సంకల్ప శక్తికి, ధైర్యానికి పరీక్ష పెట్టిందని.. కానీ ఎంతో కాలంగా ఉన్న తన కల ఇన్నాళ్లకు నెరవేరిందని ఎమోషనల్ అయింది.

'ఢీ' డ్యాన్స్ షోతో తెలుగు ప్రేక్షకులకు పరిచయమైన సాయి పల్లవి.. 'ప్రేమమ్' సినిమాతో హీరోయిన్ గా మారింది.

'ఫిదా' చిత్రంతో టాలీవుడ్ లో ఎంట్రీ ఇచ్చి, తనదైన నటనతో డ్యాన్సులతో అనతి కాలంలోనే మంచి గుర్తింపు తెచ్చుకుంది.

చేసింది తక్కువ సినిమాలే అయినా తన స్క్రిప్ట్ సెలక్షన్ లో వైవిధ్యం చూపిస్తూ, హీరోలతో సమానంగా ఫాలోయింగ్ సంపాదించుకుంది.

చివరగా 'గార్గి' సినిమాతో పలకరించిన ఈ బ్యూటీ.. ప్రస్తుతం కమల్ హాసన్ నిర్మాణంలో శివ కార్తికేయన్ సరసన హీరోయిన్ గా నటిస్తోంది.