రక్షిత్ శెట్టి హీరోగా నటించిన డాగ్ బేస్డ్ సినిమా 777 చార్లీ శుక్రవారం థియేటర్లలో విడుదల అయింది.

కథ: ఒంటరితనంతో బతుకుతున్న ధర్మ (రక్షిత్ శెట్టి) జీవితంలోకి ఒక కుక్క వస్తుంది.

ఆ తర్వాత ధర్మ జీవితం, చార్లీ (కుక్క) జీవితం ఎన్ని మలుపులు తిరిగాయన్నదే కథ.

విశ్లేషణ: రక్షిత్ శెట్టి, చార్లీ మధ్య ప్రారంభంలో వచ్చే సన్నివేశాలు ప్రేక్షకులను నవ్విస్తాయి.

ధర్మ, చార్లీల మధ్య బాండ్ పెరిగేకొద్దీ సినిమా ఎమోషనల్‌గా మారుతుంది.

సినిమా ముగింపు ఊహించిందే అయినప్పటికీ అక్కడ వచ్చే ట్విస్ట్ ఆకట్టుకుంటుంది.

అక్కడక్కడా వచ్చే అనవసర సన్నివేశాలు, కొన్ని సన్నివేశాల్లో మెలో డ్రామా ఎక్కువ అవ్వడం కొంచెం మైనస్.

ఎమోషనల్ సీన్లలో రక్షిత్ శెట్టి ఆకట్టుకుంటాడు. క్లైమ్యాక్స్‌లో అయితే ఏడిపించేస్తాడు.

చార్లీ పాత్రలో నటించిన కుక్క నుంచి అద్భుతమైన నటన రాబట్టారు.

మీరు పెట్ లవర్స్ అయితే కచ్చితంగా చూడాల్సిన సినిమా 777 చార్లీ.