రష్యా అధ్యక్షుడు వ్లాదిమిర్ పుతిన్‌కు ప్రపంచ శాంతి దూత కేఏ పాల్ వార్నింగ్ ఇచ్చారు. 'తగ్గేదేలే' అంటూ పుష్ప సినిమా డైలాగ్‌తో పుతిన్‌ను కేఏ పాల్ హెచ్చరించిన వీడియోను ఆర్జీవీ ట్వీట్ చేశారు.
"పుతిన్.. ప్రార్థన చేస్తున్నాము.. తగ్గేదేలేదు.. గుర్తుంచుకో" అంటూ వీడియోలో పాల్ చెప్పిన డైలాగ్ ప్రస్తుతం వైరల్‌గా మారింది.
పాల్ కన్నీరు
రష్యా అధ్యక్షుడు పుతిన్‌పై కేఏ పాల్ ఇటీవల తీవ్ర ఆగ్రహం వ్యక్తం చేశారు. పుతిన్‌కు మతిస్థిమితం లేదన్నారు. యుద్ధాన్ని ఆపేందుకు చాలా రోజులుగా ప్రయత్నం చేస్తున్నానన్నారు పాల్.
యుద్ధం
5 రోజులుగా ఉక్రెయిన్‌లో రష్యా బాంబుల మోత మోగిస్తోంది. రాజధాని కీవ్ సహా ఇతర నగరాలను అధీనంలోకి తీసుకునేందుకు తీవ్ర ప్రయత్నాలు చేస్తోంది. క్షిపణి ప్రయోగాలు, తుపాకీ తూటాలు, బాంబుల మోతతో ఉక్రెయిన్ మార్మోగుతోంది. అయినప్పటికీ ఉక్రెయిన్ పోరాటం ఆపడం లేదు.
రష్యా సైన్యాన్ని ఎదుర్కొనే విషయంలో జెలెన్‌స్కీ ఏ మాత్రం వెనక్కి తగ్గడం లేదు. తమ సరిహద్దులు దాటి లోపలికి వచ్చిన వందల మంది రష్యన్‌ సైనికులు హతమయ్యారని స్పష్టం చేశారు. శత్రు దురాక్రమణను ఉక్రెయిన్ వీరోచితంగా తిప్పికొడుతోందని ఆయన అన్నారు. ప్రపంచ దేశాలు తమకు సాయం చేయాలని ఉక్రెయిన్ అధ్యక్షుడు జెలెన్‌స్కీ అన్నారు.
Also Read: Ukraine-Russia War: ఉక్రెయిన్ అధ్యక్షుడే రష్యా టార్గెట్- జెలెన్‌స్కీని చంపేందుకు 400 మంది ఉగ్రవాదులు