మంచిర్యాల జిల్లాలో ఘోర ప్రమాదం జరిగింది. మందమల్లి మండలం గుడిపల్లి వెంకటాపూర్‌లో ఐదుగురు వ్యక్తులు సజీవ దహనం అయ్యారు. మాను శివయ్య అనే వ్యక్తి ఇంట్లో ఈ దుర్ఘటన జరిగింది. అర్థరాత్రి అందరూ గాడ నిద్రలో ఉన్న టైంలో మంటలు చెలరేగాయి. ఈ ఘటనలో శివయ్య, ఆయన భార్య పద్మ, పద్మ అక్క కుమార్తె మౌనిక, ఆమె పుట్టిన ఇద్దరు కుమార్తెలు మృతి చెందారు. మంటలు ఎగసిపడుతున్న విషయాన్ని చూసిన స్థానికులు అగ్నిమాపక సిబ్బందికి తెలియజేశారు. వాళ్లు వెంటనే వచ్చి మంటలు ఆర్పి ఇంట్లోకి ప్రవేశించారు.. చూస్తే నిదట్లోనే ఐదుగురు చనిపోయి ఉన్నారు.
జగిత్యాలలో అగ్ని ప్రమాదం
జగిత్యాల కొత్త బస్టాండ్‌ సమీపంలోని వెంకటేశ్వర్‌ అయిల్ మిల్లులో అగ్ని ప్రమాదం జరిగింది. మంటలు భారీగా భారీగా ఎగిసిపడ్డాయి. దీంతో స్థానిక ప్రజలు భయపడి పరుగులు తీశారు. వెంటనే రంగంలోకి దిగిన అగ్నిమాపక సిబ్బంది రెండు వాహనాలతో మంటలను అదుపులోకి తెచ్చారు. ఈ ఘటనలో సుమారు రూ.15 లక్షల నష్టం ఏర్పడి ఉంటుందని యజమానికి అంటున్నారు. షార్టు సర్క్యూట్‌తో ప్రమాదం జరిగినట్లు తెలుస్తోంది. మిల్లులో 7 గ్యాస్‌ సిలిండర్లు ఉండేవి. ఈ కారణంగానే ప్రమాద తీవ్రత పెరిగిందని అధికారులు భావిస్తున్నారు.