Alpha Hotel gets Bomb Threatening Call: సికింద్రాబాద్‌ రైల్వే స్టేషన్ సమీపంలో ఉన్న ఆల్ఫా హోటల్‌కు బాంబు బెదిరింపు కాల్ వచ్చింది. ఆ హోటల్, చుట్టు పక్కల పరిసరాలు నిత్యం రద్దీగా ఉంటుండడంతో అందరిలోనూ ఆందోళన నెలకొంది. బాంబు ఉందని ఓ అజ్క్షాత వ్యక్తి ఫోన్ చేసినట్లు తెలిసింది. శనివారం రాత్రి 10.45 గంటలకు 100 నంబర్‌కు ఫోన్ చేసి ఆగంతుకుడు బెదిరించాడు. వెంటనే పోలీసులు ఆల్ఫా హోటల్ వద్దకు చేరుకున్నారు. అక్కడ ఉన్న హోటల్ సిబ్బందిని బయటకు పంపించేసి.. హోటల్ ను మూసేసి 2 గంటల పాటు లోపల బాంబు కోసం వెతికారు. చివరకు ఆ హోటల్‌లో బాంబు లేదని బాంబ్ స్క్వాడ్ తేల్చారు. ఫోన్ చేసింది ఆకతాయి అని వివరించారు. ఖమ్మం జిల్లాకు చెందిన వ్యక్తి ఫోన్ చేశాడని పోలీసులు గుర్తించారు. ఫేక్ కాల్ చేసిన వ్యక్తిని పట్టుకుంటామని డీసీపీ సుబ్బారాయుడు, ఏసీపీ శివమర్తి వెల్లడించారు.