Playground Under flyover: రాష్ట్ర ఐటీ, పురపాలక శాఖా మంత్రి కేటీఆర్ సోషల్ మీడియాలో చాలా యాక్టివ్ గా ఉంటారనే విషయం అందరికీ తెలిసిందే. అయితే ఆపదలో ఉన్నామంటూ ఎవరైనా ఆయనకు ట్వీట్ చేసిన వెంటనే స్పందించి సాయం చేస్తుంటారు కేటీఆర్. ఎవరు ఏం చెప్పినా దాని గురించి ఆలోచిస్తారు. అయితే తాజాగా ధనుంజయ్ అనే ఓ వ్యక్తి మంత్రి కేటీఆర్ ను ఉద్దేశించి ఓ ట్వీట్ చేశారు. అన్ని పట్టణాల్లోని ఫ్లైఓవర్ల కింద ఆట స్థలాలు తీర్చిదిద్దితే ఆటలు ఆడుకునేందుకు వెసులు బాటు ఉంటుందని ట్వీట్ చేశారు. దీనిపై స్పందించిన మంత్రి కేటీఆర్.. ఆలోచన అదిరిందంటూ కామెంట్ చేశాడు. ఇది మంచి ఆలోచన అని.. ఈ విధానాన్ని పరిశీలించాలని పురపాలక శాఖ ప్రత్యేక కార్యదర్శి అరవింద్ కుమార్ కు సూచించారు.
జంట నగరాల్లో ఈ తరహా క్రీడా వేధికలను అందుబాటులోకి తీసుకు వస్తే బాగుటుందని మంత్రి కేటీఆర్ తెలిపారు. అయితే ఇది నిందగానే అద్భుతమైన ఆలోచన. నవీ ముంబైలో ఫ్లైఓవర్ల కింద ఆట స్థలాలను నిర్మించినట్లు అన్ని పట్టణాల్లోని ఫ్లైఓవర్ల కింద ఏర్పాటు చేస్తే బాగుంటుంది. మీ పట్టణాల్లో ఇలాంటివి ఏమైనా ఉన్నా అని నెటిజెన్ ప్రశ్నించారు. అయితే మంత్రి కేటీఆర్ దీనికి రిప్లై ఇవ్వడంతో.. చాలా మంది నెటిజెన్లు మంత్రిని సపోర్ట్ చేస్తున్నారు. నిజంగానే ఇది చాలా మంచి ఐడియా అంటూ ప్రశంసిస్తున్నారు. హైదరాబాద్ లోనూ దీన్ని అమల్లోకి తెస్తే బాగుంటుందని సూచిస్తున్నారు.