సినిమాల ప్రభావం పిల్లలపై ఏ స్థాయిలో ఉంటుందో చాటే ఘటన ఒకటి హైదరాబాద్‌లో చోటు చేసుకుంది. హీరో హీరోయిన్ల ముద్దు సీన్లు, మితిమీరిన అర్ధ నగ్న రొమాంటిక్ సన్నివేశాలు వంటివి టీనేజీ దశలో బాలురపై విపరీతమైన ప్రభావం చూపుతున్నాయి. వారు ఆ నటనని నిజమే అనుకొని భావించి తాము కూడా అలా చేస్తే బాగుంటుందనే భ్రమలో ఉంటున్నారు. ఇలాంటి ఆలోచనలతోనే ఓ బాలుడు చేసిన పని అతణ్ని జువైనల్ హోంకు తరలించేలా చేసింది. ఈ ఘటన పిల్లల ప్రవర్తన తీరును తల్లిదండ్రులు ఎప్పటికప్పుడు గమనిస్తూ ఉండాలనే విషయాన్ని గట్టిగా చాటుతోంది.
సినిమాల్లో కనిపించే హీరోల తరహాలో తాను కూడా ఓ అమ్మాయిని గట్టిగా ముద్దు పెట్టుకోవాలనుకున్న ఓ బాలుడు అనుకున్నంత పనీ చేశాడు. ఏకంగా భవంతి లిఫ్టులో ఒంటరిగా ఉన్న బాలికపై అసభ్యంగా ప్రవర్తించాడు. ఈ ఘటన హైదరాబాద్‌లోని జూబ్లీహిల్స్‌ పోలీస్‌ స్టేషన్‌ పరిధిలో చోటు చేసుకుంది. బాలుడికి 14 ఏళ్లు కాగా.. లిఫ్టులో ఒంటరిగా వెళ్తున్న బాలిక వయసు కేవలం 8 ఏళ్లు. పోలీసులు తెలిపిన వివరాల ప్రకారం.. జూబ్లీహిల్స్‌ రోడ్‌ నెం.10లోని వెంకటగిరి సమీపంలో ఉన్న ఓ అపార్ట్‌మెంట్‌‌కు వాచ్‌మెన్‌ ఉన్నాడు. అతని కుమారుడు(14) అదే అపార్ట్‌మెంట్‌లోని 3వ తరగతి చదువుతున్న 8 ఏళ్ల బాలికను ఆరో అంతస్తులో ఎవరో పిలుస్తున్నారంటూ తీసుకెళ్లాడు. మంగళవారం సాయంత్రం బాలికను లిఫ్టులోకి ఒంటరిగా రప్పించి ఏకంగా ముద్దు పెట్టుకున్నాడు. లిఫ్టు ఆరో అంతస్తుకు వెళ్లే వరకు ఆ బాలిక పట్ల అసభ్యంగా ప్రవర్తించాడని పోలీసులు చెప్పారు.
Also Read: Nalgonda: మహిళ నోరు నొక్కి ఇంట్లోకి లాక్కెళ్లి ఇద్దరు వ్యక్తులు రేప్.. తల బండకేసి బాది ఘాతుకం
తల్లికి ఫోన్ చేసిన బాలిక
లిఫ్టు బయటికి వచ్చిన బాలిక తన వద్ద ఉన్న ఫోన్‌తో తల్లికి ఫోన్ చేసింది. అప్రమత్తమైన తల్లి అక్కడికి చేరుకొని తన కూతురిని ఇంటికి తీసుకెళ్లింది. జరిగిన ఘటనపై జూబ్లీహిల్స్‌ పోలీసులకు ఫిర్యాదు చేసింది. దీంతో పోలీసులు బాలుడిని అదుపులోకి తీసుకొని ప్రశ్నించారు. కేసు నమోదు చేసి జువైనల్ హోంకు తరలించారు.
Also Read: TSRTC News: ఆర్టీసీకి 4 నెలలు టైం ఇచ్చిన కేసీఆర్.. లేదంటే ఇక అదే జరుగుతుందని హెచ్చరిక
ఆ మైనర్‌ బాలుడిని పోలీసులు విచారణ జరపగా.. తాను కొన్ని సినిమాలను చూశానని, ఓ హీరో ఆ సినిమాలో హీరోయిన్‌ను ముద్దు పెట్టుకునే సీన్‌ తనకు బాగా నచ్చిందని చెప్పడంతో పోలీసులు విస్మయం చెందారు. ఆ హీరోలాగా తాను కూడా ఎప్పటికైనా ముద్దు పెట్టాలనే ఆలోచనతో ఇలా చేశానని చెప్పడంతో పోలీసులకు నోట మాట రాలేదు.
Also Read: Sangareddy Crime: మటన్ ముక్కలు వేయలేదని చంపేశాడు.. సంగారెడ్డిలో దారుణం..