Hyderabad Gang Rape: హైదరాబాద్ లో గ్యాంగ్ రేప్.. యువతిని కిడ్నాప్ చేసి అత్యాచారం చేసిన ఆటోడ్రైవర్లు..

హైదరాబాద్‌లో దారుణం జరిగింది. 20 ఏళ్ల యువతిని ఆటోడ్రైవర్లు కిడ్నాప్ చేసి అత్యాచారానికి పాల్పడ్డారు. 

భాగ్యనగరంలో గ్యాంగ్ రేప్ కలకలం సృష్టించింది. పట్టపగలే యువతిని కిడ్నాప్ చేసిన ఆటో డ్రైవర్లు, సామూహిక అత్యాచారానికి పాల్పడ్డారు. ఈ ఘటన పహాడి షరీఫ్ ప్రాంతంలో జరిగింది. 20 ఏళ్ల యువతిని ఆటోడ్రైవర్లు కిడ్నాప్ చేసి అత్యాచారానికి పాల్పడ్డారు. సంతోష్ నగర్‌లో ఆటోలో కిడ్నాప్ చేసి పహాడీ షరీఫ్‌లో అఘాయిత్యానికి పాల్పడినట్టు తెలుస్తోంది. బాధితురాలు సంతోష్ నగర్ పీఎస్‌లో ఫిర్యాదు చేసింది. కేసు నమోదు చేసుకున్న పోలీసులు.. సీసీ ఫుటేజ్‌ను పరిశీలిస్తున్నారు.

యువతి.. ల్యాబ్ టెక్నీషియన్‌గా పని చేస్తోంది. సంతోష్ నగర్‌లో ఆటో ఎక్కింది. రోజు వెళ్లే దారేగా అని అనుకుంది. కానీ పహాడీ షరీఫ్ తీసుకువెళ్లిన తరువాత సీన్ మారింది. డ్రైవర్ మరో యువకుడిని ఆటోలో ఎక్కించుకున్నాడు.  ఆటో వెళ్తుండగా.. ఆ యువకుడు యువతిని అరవకుండా నోరు మూశాడు. ఆటో డ్రైవర్ ఎవరూ లేని ప్రాంతానికి తీసుకెళ్లాడు. ఈ ఘటనతో యువతి షాక్ కు గురైంది. అక్కడ ఇద్దరూ కలిసి యువతిపై సామూహిక అత్యాచారానికి చేశారు. ఆ తర్వాత యువతిని అక్కడే వదిలేసి  పరారయ్యారు.

యువతి నేరుగా సంతోష్ నగర్ పోలీస్ స్టేషన్‌కు వచ్చింది. ఆటో డ్రైవర్లు చేసిన అఘాయిత్యాన్ని పోలీసులు తెలిపి ఫిర్యాదు చేసింది. కేసు నమోదు చేసుకున్న పోలీసులు.. విచారణ చేస్తున్నారు. బాధితురాలిని భరోసా కేంద్రానికి తరలించి.. వివరాలు సేకరిస్తున్నారు. యువతి ఆటో ఎక్కినప్పటి నుంచి.. ఎక్కడెక్కడ సీసీ టీవీ కెమెరాలు ఉన్నాయో వాటిని పరిశీలిస్తున్నారు. నిందితుల కోసం ప్రత్యేక బృందాలను ఏర్పాటు చేసి గాలిస్తున్నారు.